Aprobado inicialmente polo Concello Pleno; con data do 31 de marzo de 1995, o estudio de detalle para fixación de aliñacións e rasantes no cuarteirón delimitado polas rúas Sanjurjo Badía e Robleda (3420/411), redactado polo arquitecto Javier Alonso Davila por encargo do Concello de Vigo; sométese a información pública polo prazo de quince días hábiles con anuncios no Diario Oficial de Galicia, BOP, Faro de Vigo e taboleiro de anuncios da Casa do Concello, con notificacións individuais ós propietarios do ámbito e restantes interesados directamente afectados.

O devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito, cos límites seguintes:

Norte: rúa Sanjurjo Badía.

Sur: rúa Robleda.

Leste: travesía Chané e resto do cuarteirón.

Oeste: rúa Robleda.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na oficina municipal de información para exame e alegacións.

Vigo, 17 de abril de 1995.

Carlos A. González Príncipe

Alcalde