Notificóuselle á Consellería de Sanidade e Servicios Sociais providencia da Sala do Contencioso-Administrativo do Tribunal Superior de Xustiza de Galicia, pola que se admite o recurso contencioso-administrativo nº 1/500/95, interposto por Carmen Taboada García contra a Orde do 20 de xaneiro de 1995 (DOG nº 46, do 7 de marzo), pola que, en cumprimento da sentencia da antedita sala do 24 de outubro de 1994, se modifica a resolución da Secretaría Xeral Técnica da Consellería de Sanidade do 22 de maio de 1991 (DOG nº 106, do 5 de xuño), pola que se resolve o concurso-oposición libre para o ingreso na clase de practicantes titulares convocado por Orde do 9 de novembro de 1990 (DOG nº 224, do 14 de novembro) e se publica a relación de aspirantes seleccionados.
En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento e se emprazan para que poidan comparecer en forma en autos na sección primeira da Sala do Contencioso-Administrativo do Tribunal Superior de Xustiza de Galicia, no prazo de nove días.
Santiago de Compostela, 17 de abril de 1995.
Carlos Negreira Souto
Director xeral de Recursos Humanos