O conselleiro de Política Territorial, Obras Públicas e Vivenda, o día 17 de abril de 1995, dictou a orde que na súa parte dispositiva literalmente di:

RESOLVO:

De conformidade co disposto no artigo 132 do Regulamento de planeamento urbanístico, e aceptando e dando por integramente reproducido o infor

me do Pleno da Comisión Superior de Urbanismo de Galicia, do 17 de marzo de 1995, outorga-la aprobación definitiva ó proxecto de modificación puntual do Plan Xeral de Ordenación Urbana de Ourense con relación ó sector A-6 (predio Pombeiro), promovido por María Antonia Rodríguez López, que fora aprobado provisionalmente polo Concello de Ourense na súa sesión do 15 de abril de 1993, coa expresa puntualización de que se suprimen as modificacións relativas ó trazado do novo viario e a previsión da superficie de reserva para uso dotacional docente, quedando polo tanto elas substraídas de tal aprobación definitiva.

Notifíquese a presente resolución e publíquese a súa parte dispositiva con expresión dos recursos legalmente procedentes.

O que se fai público para xeral coñecemento e para os efectos oportunos, e advírtese que contra a dita orde, que se transcribe definitiva en vía administrativa, cabe recurso contencioso-administrativo ante a Sala do Contencioso do Tribunal Superior de Xustiza de Galicia, no prazo de dous meses contados desde o día seguinte ó da súa notificación ou publicación, lembrando que se debe comunicar previamente a esta consellería a devandita interposición conforme o artigo 110.3º da Lei 30/1992, de réxime xurídico das administracións públicas e do procedemento administrativo común.

Santiago de Compostela, 18 de abril de 1995.

José Antonio Fernández Vázquez

Secretario xeral da Consellería de Política Territorial, Obras Públicas e Vivenda