A Orde do 19 de decembro de 1985, determinou os nomes oficiais dos topónimos pertencentes ós concellos: Allariz, Baltar, Bande, Baños de Molgas, Barbadás, Os Blancos, Calvos de Randín, Castrelo do Val, Coles, Cualedro e Chandrexa de Queixa (Ourense).
O traballo de campo e a documentación utilizados pola Comisión de Toponimia ó longo destes anos aportaron datos que aconsellaron á comisión, na súa sesión plenaria do vintenove de marzo de mil novecentos noventa e cinco, revisa-lo dictame referido a catro topónimos publicados na orde citada (un pertencente ó concello de Baños de Molgas, dous ó concello dos Blancos e un ó concello de Cualedro.)
En consecuencia, esta consellería,
DISPÓN:
Artigo único.-Modifícase a Orde do 19 de decembro de 1985 pola que se determinan os nomes oficiais dos topónimos que se relacionan, no sentido seguinte:
-No concello de Baños de Molgas, parroquia de Almoite (Santa María) onde dicía: «Almoíte», debe dicir: «Almoite».
-No concello dos Blancos, parroquia dos Blancos (San Breixo), onde dicía: «Blancos», debe dicir: «Blancos, Os»; e na parroquia de Nocedo (San Cibrao), onde dicía: «Noveas», debe dicir: «Nóveas».
-No concello de Cualedro, parroquia de Atás (Santa María)), onde dicía: «Estivadas (As)», debe dicir: «Estibadas, As».
Disposición adicional
Do establecido na presente orde e do seu anexo daráselles conta ás autoridades estatais correspondentes para os efectos que cumpran no exercicio das súas funcións.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 2 de maio de 1995.
Dositeo Rodríguez Rodríguez
Conselleiro da Presidencia e Administración Pública