Aprobado inicialmente polo Pleno do Concello, na sesión do día 31 de marzo de 1995, o estudio de detalle promovido pola Urbanización Mira, S.L., redactado polo arquitecto Álvaro Fernández Carballada, para a ordenación volumétrica definitiva e o establecemento de alineacións dentro dos parámetros da normativa deste concello da parcela denominada Montillóns, propiedade do solicitante e irmáns, que está situada entre a Avda. Cesáreo Pondal e a praia de Laxe, sendo os seus lindes: norte, praia de Laxe; sur, Avda. Cesáreo Pondal; leste, predio do Concello de Laxe e parte de José Rodríguez Labrador, e oeste, predio do Concello de Laxe, e que constitúe unha unidade de actuación, recollida nas N.S.P.M. deste concello co número 1; exponse ó público o expediente durante o prazo de quince días hábiles, que se contarán a partir do día seguinte ó da publicación do derradeiro anuncio no diario La Voz de Galicia, no Diario Oficial de Galicia ou no BOP e no taboleiro de anuncios da corporación.

Durante o devandito prazo poderase examina-lo expediente por calquera que o desexe para formula-las alegacións ou observacións que considere pertinentes.

Así mesmo, faise pública a suspensión do outorgamento de licencias de parcelación, edificación e demolición no ámbito territorial comprendido na unidade de actuación nº 1 das N.S.P.M.

A suspensión terá unha duración máxima de un ano e extinguirase, en todo caso, coa aprobación definitiva do estudio de detalle.

Laxe, 3 de abril de 1995.

Antonio Castro Lema

Alcalde-presidente