Por esta resolución, convócase a poxa para o alleamento de madeiras dos lotes que se citan no anexo, e de acordo co disposto nas ordes da Consellería de Agricultura, Gandería e Montes do 8 de xullo de 1989 (DOG do 21 de xullo), e do 15 de marzo de 1990 (DOG do 23 de marzo).
A súa celebración terá lugar no salón de actos da Delegación Provincial da Consellería de Agricultura, Gandería e Montes de Lugo sita na Ronda da Muralla, 197, desa cidade.
Para estas poxas rexerán as ordes antes citadas e mailos de condicións técnico-administrativas xerais e particulares destas, que figuran no expediente correspondente no Servicio de Montes e Industrias Forestais de Lugo, onde poderán ser examinados polos interesados a partir do día da publicación no DOG da presente resolución.
As ofertas poderanse presentar durante os vinte días hábiles seguintes ó da publicación no DOG da presente resolución no rexistro da Delegación Provincial de Lugo da Consellería de Agricultura, Gandería e Montes e en calquera das formas legalmente establecidas.
A apertura das proposicións será realizada pola Mesa de Contratación, que se reunirá ás once horas do noveno día hábil, que non cadre en sábado, contado a partir do termo do prazo de presentación das ofertas.
Cada licitador presentará os sobres cerrados para cada oferta. O sobre A coa documentación administrativa e o sobre B coa oferta económica.
O sobre A que contén a documentación administrativa poderá ser único para tódalas poxas que se celebren ante a mesa e na mesma sesión.
Deberá conte-la seguinte documentación:
1. Acreditación da personalidade do licitador.
2. Os resgardos acreditativos de que están constituídas as fianzas provisionais, 2% do prezo de taxación, de acordo co disposto no artigo 340 do Regulamento xeral de contratación do Estado.
3. Declaración responsable de reunir todos e cada un dos requisitos esixidos no artigo 9 da Lei de contratos do Estado sobre capacidade para contratar coa Administración.
4. Os que acrediten a clasificación empresarial do licitador.
O sobre B recollerá a proposición económica e presentarase no modelo normalizado que se encontra a disposición dos interesados no Servicio de Montes e Industrias Forestais de Lugo. A oferta para cada un dos lotes deberá figurar nun sobre B individual.
O adxudicatario constituirá a fianza do 4% do prezo de adxudicación dentro dos vinte días seguintes ó da data na que oficialmente se lle comunique que a adxudicación é definitiva.
Dentro do mesmo prazo deberá aboar:
1. O importe total do remate, ou o importe do primeiro prazo, segundo se indique no prego de condicións particulares de cada poxa.
2. O importe das taxas.
3. Os gastos proporcionais deste anuncio.
4. Os demais que se establezan nos pregos particulares do aproveitamento.
O adxudicatario deberá aboar, amais das cantidades expresadas no anuncio, un 4% sobre o importe da adxudicación en concepto de IVE.
Santiago de Compostela, 26 de abril de 1995.
P.D. (Orde 13-12-1993)
Antonio Luis Rosón Pérez
Secretario xeral da Consellería de Agricultura, Gandería
e Montes