1.-Obxecto.
Esta poxa ten por obxecto a contratación das obras de núcleos de enterramento e edificio de servicios en cemiterio municipal.
Forma de contratación: poxa con trámite de admisión previa.
2.-Tipo de licitación: 41.783.218 pesetas, á baixa.
3.-Prazo de execución.
A obra deberase executar no prazo de seis meses, contados a partir da notificación da adxudicación definitiva.
4.-Expediente.
Áchase na Secretaría da Corporación, onde se poderá examinar durante o prazo de presentación das proposicións.
5.-Garantías.
A provisional ascende a 835.664 pesetas, e a definitiva ó 4 por cen do remate.
6.-Presentación de propostas.
Realizarase no rexistro xeral do concello en sobre pechado que deberá lacrarse e precintarse, dentro do prazo de vinte días hábiles, contados desde o seguinte ó da publicación deste anuncio no Boletín Oficial del Estado.
7.-Apertura de propostas.
Terá lugar ás trece horas do quinto día hábil seguinte a aquel en que remate o prazo sinalado para a presentación de proposicións; o acto será público.
8.-Proposicións e documentación complementaria.
8.1. Presentaranse en dous sobres pechados, A e B, que poden lacrarse e precintarse, dentro do prazo de vinte días, contados a partir do seguinte ó da publicación do anuncio no Boletín Oficial del Estado. As propostas redactaranse segundo o modelo que se xunta. Os sobres terán que presentar no anverso a seguinte inscrición:
Proposición para tomar parte na poxa das obras de núcleos de enterramentos e edificio de servicios en cemiterio municipal presentada por .............. con domicilio en ............... sito en ..................... de ................ de 19........
(O/A licitador/a)
8.2. No primeiro sobre A, conterase a mesma inscrición referida ó apartado anterior e un subtítulo.
Este sobre A subtitularase «Oferta económica e documentación acreditativa da personalidade e características do contratista». Conterá dita oferta económica, segundo o modelo que se indica, engadindo a documentación que na mesma se especifica:
Don/Dona ...... veciño/a de .........................con domicilio en .................... (rúa/lugar, etc) ................... piso .................. co DNI número .................. expedido en ................. o ................... de .........................de 19...... en plena posesión da súa capacidade xurídica e de actuar, toma parte en nome propio (ou en representación de .................) na poxa das obras de núcleo de enterramentos e edificio de servicios no cemiterio municipal, Pontedeume, segunda fase. Con este fin fai constar que:
a) Ofrece o prezo de ..... pesetas, o que significa unha baixa de ................pesetas, con relación ó tipo de licitación.
b) Declara baixo a súa responsabilidade que non está incurso en ningunha das causas de incapacidade ou incompatibilidade previstas na lexislación básica do Estado en materia de contratación administrativa.
c) Remite por separado e fóra dos sobres o documento acreditativo da constitución da garantía provisional para participar na poxa.
d) Coñece e acepta tódalas obrigas derivadas dos pregos de condicións da poxa, que tamén declara coñecer.
e) Posúe o documento de cualificación empresarial número ................... expedido o .... de .... de 19... do que xunta unha fotocopia autorizada. Así mesmo, achega a documentación que acredita que está ó corrente no pagamento da licencia fiscal e das cotas da Seguridade Social.
f) Posúe o documento de clasificación do contratista número.............. do que xunta unha fotocopia á documentación presentada.
g) Declara que cumprirá exactamente as disposicións oficiais que regulan a contratación laboral, a seguridade social e maila protección á industria
nacional e que está ó corrente no pagamento das súas obrigas tributarias.
h) Fixa como domicilio en ....... para os efectos deste contrato, o seguinte nº ......................... piso ............................
i) Une a esta proposición os seguintes documentos xustificadores do exposto.
En ......, ...... de ......de 19....
O/A Licitador/a
9.-O segundo sobre B, coa inscrición referida no apartado 1 desta cláusula, e co subtítulo «Documentación complementaria xustificada para a admisión previa», conterá a documentación seguinte:
9.1. Memoria relativa á experiencia de modernas tecnoloxías vinculadas ó tipo de obra que se vai realizar.
9.2. Plan que se propón pola empresa para a execución da obra, de xeito que asegure a súa total execución no prazo previsto e que comprenderá a correcta programación das obras, segundo diagramas de tempos, actividades e previsións de custos.
9.3. Memoria sobre os medios persoais e materiais cos que conta a empresa. Achegarase ó tempo documentación acreditativa sobre a existencia da maquinaria, vehículos e outros elementos dos que é titular a empresa.
Respecto ó persoal da súa dependencia, a empresa acreditarao cos impresos TC-1 e TC-2 da Seguridade Social. A este respecto será preciso contar cun persoal non inferior ós 15 traballadores.
9.4. Documentación sobre adxudicación das obras ás que se refire a cláusula 2.4 deste prego.
9.5. Memoria xustificativa sobre outros factores análogos ós sinalados na cláusula 2 deste prego, agás o apartado 5. A presentación desta memoria é voluntaria para o contratista.
Pontedeume, 3 de abril de 1995.
Belarmino Freire Bujía
Alcalde