De conformidade co disposto no artigo 31 do regulamento da Lei 10/1066, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, sométese a informa
ción pública a solicitude de Unión Eléctrica-Fenosa, S.A., con domicilio na r/ Fernando Macías, nº 2, 15004 A Coruña, de declaración de urxente ocupación para a expropiación forzosa e imposición de servidumes de paso, sobre os bens e dereitos que se afectan pola instalación da liña eléctrica a 20 kV e centro de transformación en Samapaio, no concello de Coristanco.
A declaración de utilidade pública da referida instalación, que foi outorgada con data do 8 de setembro de 1992, leva implícita en todo caso, a necesidade de ocupación dos bens ou adquisición dos dereitos afectados, así como a imposición da servidume de
paso de enerxía eléctrica, segundo o artigo 14.1º do Decreto 2619/1966.
En consecuencia, calquera persoa dentro dos quince días seguintes ós da publicación deste anuncio que se inserirá no Diario Oficial de Galicia, no BOP e no xornal El Ideal Gallego, e os interesados propostos como titulares dos predios afectados contidos na relación anexa, cos que non foi posible o mutuo acordo, os que se lles practicará notificación individual, conforme o artigo 16 do Decreto 2619/1966, poderán aportar por escrito os datos oportunos para rectificar posibles erros na relación indicada, así como formula-las alegacións en razón do disposto nos artigos 25 e 26 do decreto, para tal efecto estará exposto nesta delegación, sita no edificio administrativo Monelos, s/n, 15071 A Coruña, en horas de oficina, o expediente cos planos de situación e perfil das instalacións.
Esta publicación realízase igualmente para ós efectos do artigo 59.4º da Lei 30/1992, do 26 de novem
bro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal, as dilixencias que se produzan destes, de conformidade co artigo 5 da Lei de expropiación forzosa, do 16 de decembro de 1954.
Infórmase ós propietarios que a entidade beneficiaria facilitará por xestión directa na mesma ou por escrito que se reciba nesta delegación, os datos para identificación dos bens que se afectan; e que de outorgarse a declaración de urxente ocupación solicitida, seguirá o proceso nas súas fases de expropiación, determinación do prezo xusto, e pagamento da indemnización que acordo o Xurado Provincial de Expropiación, en cada caso.
A Coruña, 25 de abril de 1995.
Juan Ignacio Lizaur Otero
Delegado provincial da Coruña