Pola Resolución do 13 de febreiro de 1995 aprobouse un gasto de 23.300.000 ptas., o prego de cláusulas administrativas particulares e apertura do procedemento de adxudicación dos contratos de subministración, entrega e instalación de diverso material electrónico con destino á Facultade de Humanidades da Universidade da Coruña, dependente desta consellería (expediente 5/95).

Anunciouse a contratación directa a licitación do mencionado contrato no Diario Oficial de Galicia.

Cumpridos os trámites que en materia de contratación prevé a vixente Lei de contratos do Estado e o seu regulamento, así como os requisitos establecidos no prego de bases da contratación e demais lexislación vixente. Reunida a Mesa de Contratación na data 14 de marzo de 1995 e vistas as ofertas económicas así como o cumprimento das empresas e a valoración da comisión cualificadora, esta consellería,

RESOLVEU:

Primeiro.-Adxudica-lo material antes mencionado da seguinte forma:

Concurso 5/95

Lote MaterialImporte

**Empresa EMTEL**

1 Material electrónico23.298.174

**Subtotal**23.298.174

** *Total***23.298.174

Segundo.-O prazo de entrega e instalación desta material é inmediato.

Terceiro.-A empresa adxudicataria deberá cumpri-las obrigas previas á formalización do correspondente contrato, esixidas nas cláusulas 15 e 16 do prego de cláusulas administrativas particulares.

Cuarto.-Faise pública a presente resolución para os efectos previstos no artigo 38 da Lei de contratos do Estado e 119 do seu regulamento.

Quinto.-Contra esta resolución poderá interpoñerse recurso de reposición ante o conselleiro de Educación e Ordenación Universitaria, no prazo de un mes, contado desde o día seguinte ó da publicación desta resolución.

Santiago de Compostela, 14 de marzo de 1995.

Juan José Bértolo Cadenas

Secretario xeral da Consellería de Educación

e Ordenación Universitaria