A Delegación Provincial de Lugo fai saber que a Dirección Xeral de Industria decidiu que o proxecto de explotación das concesións derivadas dos permisos de investigación denominados Cupido número 5.359 e Capa número 5.377, sitos nos concellos de Folgoso do Courel, A Pobra do Brollón e Quiroga,

promovido por Cupire Padesa, S.A. fose sometido ó Decreto 442/1990, do 13 de setembro, de avaliación de impacto ambiental para Galicia.

En cumprimento do establecido no artigo 5, apartado 2º do referido decreto,

RESOLVO:

Primeiro.-Someter, polo prazo de trinta días hábiles, contados a partir do seguinte ó da publicación da presente resolución, a información pública o estudio de impacto ambiental do proxecto de explotación das concesións derivadas dos permisos de investigación denominados Cupido número 5.359 e Cupa, número 5.377, promovido pola sociedade Cupire Padesa, S.A., nos concellos de Folgoso do Courel, A Pobra de Brollón e Quiroga.

Segundo.-O estudio de impacto ambiental expoñerase ó público nesta delegación provincial, logo de anuncio no Diario Oficial de Galicia.

Terceiro.-As alegacións formularanse, durante o dito prazo de trinta días hábiles, ante esta delegación provincial.

Lugo, 1 de marzo de 1995.

Jesús Bendaña Suárez

Delegado provincial de Lugo