Pola presente cédula notifícaselles ós titulares ou representantes legais das axencias de viaxes que figuran no anexo, con datos e últimos enderezos que tamén se sinalan, que, notificados da obrigatoriedade de presentar no prazo de un mes a documentación acreditativa de ter realizada a adecuación da axencia a cada un dos aspectos regulados no Decreto 155/1989, do 22 de xuño, polo que se aproba o Regulamento das axencias de viaxes de Galicia.
E tendo en conta que esas axencias non presentaron dentro do prazo sinalado a mencionada documentación, esta secretaría xeral acordou inicia-lo expediente de revogación do seu título licencia, de conformidade co establecido na disposición adicional segundo apartado 2 do referido decreto.
Igualmente, fáiselles saber que os expedientes poderán examinarse, e obter copia dos documentos contidos neles, na Secretaría Xeral para o Turismo.
E para que conste e lles sirva de notificación ós titulares ou representantes legais desas axencias de viaxes, e en cumprimento do establecido no artigo 59.4º da Lei 30/1992, do 22 de novembro, sobre réxime xurídico das administracións públicas e do procedemento administrativo común (BOE nº 285, do 27 de novembro), expido, asino e selo a presente cédula en Santiago de Compostela, 3 de abril de 1995.
Francisco García-Bobadilla Prósper
Secretario xeral para o Turismo
ANEXO
-Axencia de viaxes: Viajes lbermex, S.A.
Titular ou representante legal: Mª Ángeles Moldes Area.
Último enderezo coñecido: Nuevas Galerías Oliva, local 7, Pontevedra.
-Axencia de viaxes: Viajes Agarimo Bus Galicia, S.A.
Titular ou representante legal: José M. Fernández de las Cuevas.
Último enderezo coñecido: Rúa Caldas, 55-baixo, Ourense.
-Axencia de viaxes: Viajes Galirama, S.A.
Titular ou representante legal: Leoncio Gómez Feijoo.
Último enderezo coñecido: Rúa A Rosa, 26, Santiago de Compostela.
-Axencia de viaxes: Viajes Costa Gallega, S.A.
Titular ou representante legal: José I. Fernández Molina.
Último enderezo coñecido: Ramón y Cajal, 53-Centro Comercial Catro Camiños, A Coruña.
