Notificóuselle á Consellería de Sanidade e Servicios Sociais a providencia da sección primeira da Sala do Contencioso-Administrativo do Tribunal Superior de Xustiza de Galicia pola que se admite o recurso contencioso-administrativo nº 1/326/95, interposto por Purificación Isabel Rodríguez Sobrino contra a resolución desestimatoria do recurso formulado contra a resolución conxunta do 29 de xullo de 1994, da secretaría xeral da dita consellería e desta dirección xeral (DOG nº 160, do 19 de agosto) (corrección de erros DOG nº 186, do 26 de setembro), pola que se dispón a publicación do acordo subscrito pola Administración sanitaria e os representantes do Comité de Empresa e a Xunta de Persoal do Hospital Santa María Madre de Ourense, polo que se regulan determinadas condicións de traballo e retributivas do persoal que presta servicios no devandito centro sanitario.

En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento e se emprazan para que poidan comparecer en forma en autos na sección primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 20 de marzo de 1995.

Carlos Negreira Souto

Director xeral de Recursos Humanos