Notificóuselle ó Servicio Galego de Saúde providencia da sección primeira da Sala do Contencioso-Administrativo do Tribunal Superior de Xustiza de Galicia pola que se admite o recurso contencioso-administrativo nº 1/245/95, interposto

AMPI-APD contra a disposición transitoria terceira do Decreto 200/1993, do 29 de xullo (DOG nº 167, do 31 de agosto), de ordenación da atención primaria na Comunidade Autónoma de Galicia, e contra as resolucións do 16 de decembro de 1994, desta dirección xeral (DOG nº 242, do 19 de decembro), pola que se convocan concursos de traslados para a provisión de postos de traballo do corpo facultativo de grao superior da Xunta de Galicia, escala sanitaria de atención primaria e especializada, subescala de atención primaria, clase de médicos titulares, e do corpo facultativo de grao medio da Xunta de Galicia, escala sanitaria de atención primaria e especializada, subescala de atención primaria, clase de practicantes titulares.

En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento e se emprazan para que poidan comparecer en forma en autos na sección primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 16 de marzo de 1995.

Carlos Negreira Souto

Director xeral de Recursos Humanos