Por orde ministerial do 6-2-1995, suspendeuse a obrigatoriedade de constitución de fianzas para autorizacións de ámbito nacional. Consecuentemente, o mantemento das fianzas para autorizacións de ámbito máis reducido como as autonómicas produciría disfuncionalidades.
Noutra orde de cousas, á luz da experiencia acumulada desde a entrada en vigor da Orde do 2-10-1989, procede reconsidera-la dita regulación mentres non se solvente a problemática que, en determinados supostos, dificulta o seu cumprimento.
Na súa virtude, oído o Consello Galego de Transportes,
DISPOÑO:
Artigo único.-Queda en suspenso a obrigatoriedade de constituír fianzas para a obtención ou visado de autorizacións de transportes de ámbito autonómico.
Disposición derradeira
A presente disposición entrará en vigor o día seguinte ó da súa publicación no Diario Oficial de Galicia.
Santiago de Compostela, 5 de abril de 1995.
José Cuíña Crespo
Conselleiro de Política Territorial, Obras Públicas
e Vivenda