Aprobado inicialmente polo Concello Pleno, con data 14 de febreiro de 1995, o estudio de detalle de axuste de aliñacións e rasantes en Tomás A. Alonso no cuarteirón sito entre a rúa Tomás A. Alonso no cuarteirón sito entre a rúa Tomás A. Alonso e o ámbito do PERI da Seara (3362/411), redactado pola arquitecta Julia Chamosa Martín por encargo do Concello de Vigo, coas seguintes observacións:

a) A aliñación interior axustarase ós fondos da edificación existente en Tomás A. Alonso, 29 e 31.

b) Toda medianeira de nova creación deberá ter tratamento de fachada.

c) Nos edificios susceptibles de incrementa-la súa altura deberá aclararse con maior precisión o número de alturas permitido e a altura máxima.

Sométese a información pública polo prazo de quince días con anuncios no Diario Oficial de Galicia, BOP, Faro de Vigo e taboleiro de anuncios da

Casa do Concello, con notificación persoal ós propietarios e restantes interesados directamente afectados.

O devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito, cos límites seguintes:

Norte: Tomás A. Alonso, 27.

Sur: Tomás A. Alonso, 43.

Leste: Tomás A. Alonso, 35 e camiño da Seara, 16.

Oeste: Tomás A. Alonso.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na oficina municipal de información para exame e alegacións.

Vigo, 7 de marzo de 1995.

Carlos A. González Príncipe

Alcalde