Cumpridos os trámites regulamentarios no correspondente expediente administrativo, o Instituto Galego da Vivenda e Solo anuncia a contratación, polo sistema de concurso aberto, da seguinte obra:
Obxecto: separata da urbanización do polígono de Esteiro en Ferrol, A Coruña.
Orzamento: 188.958.924 pesetas.
Sistema de adxudicación: concurso aberto.
Prazo de execución: 4 meses.
Fianza provisional: dispensada en aplicación do Real decreto 1883/1979, do 1 de xuño.
Fianza definitiva: 7.558.357 pesetas.
Clasificación esixida: G-4, E-1, I-1.
Categoría do contrato: e, e, d.
Documentos de interese para os licitadores: o prego de cláusulas administrativas particulares, así como o prego de prescricións técnicas que rexirán a contratación estarán de manifesto e á disposición dos concursantes para o seu exame durante o prazo de presentación de proposicións na Dirección Xeral do Instituto Galego da Vivenda e Solo, na Área Central
do Polígono das Fontiñas en Santiago de Compostela, das 9 ás 14 horas de luns a venres.
Modelo de proposición: proposición económica, formulada estrictamente conforme o modelo que se xunta no anexo I do prego de cláusulas administrativas particulares.
Prazo de presentación: as proposicións presentaranse no rexistro xeral do Instituto Galego da Vivenda e Solo antes das 14 horas do vixésimo día hábil, que non coincida en sábado, seguinte ó da publicación deste anuncio no Boletín Oficial del Estado.
Apertura de proposicións: a Mesa de Contratación reunirase en sesión pública ás 10 horas do décimo día natural, contado a partir do último día de presentación de proposicións, na sala de xuntas do Instituto Galego da Vivenda e Solo. De coincidir en sábado ou festivo a mesa reunirase o primeiro día hábil seguinte.
Documentos que deben aporta-los licitadores: serán os indicados na cláusula 3ª do prego de cláusulas administrativas particulares.
O importe do presente anuncio será por conta do adxudicatario.
Santiago de Compostela, 12 de abril de 1995.
P.D. (Orde 13-12-1993).
José A. Fernández Vázquez
Secretario xeral da Consellería de Política Territorial, Obras Públicas e Vivenda.
