Aprobado inicialmente polo Concello Pleno, con data do 14 de febreiro de 1995, o estudio de detalle do cuarteirón número 63 do PEEC (3289/41l), redactado polos arquitectos María José Maldonado Torneiro e Alberto Iglesias Álvarez; sométese a información pública polo prazo de quince días con anuncios no Diario Oficial de Galicia, BOP, Faro e Vigo e taboleiro de anuncios da Casa do Concello, con notificación persoal ós propietarios e restantes interesados directamente afectados.
O devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito, cos límites seguintes:
Norte: rúa Urzáiz.
Sur: rúa María Berdiales.
Leste: rúa Hernán Cortés.
Oeste: rúa Magalláns.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, significando que a documentación se atopa na oficina municipal de información para exame e alegacións.
Vigo, 13 de marzo de 1995.
Carlos A. González Príncipe
Alcalde