O Decreto 43/1989, do 2 de marzo (DOG do 31), polo que se transforman os centros de ensinanzas integradas en institutos de educación secundaria e
profesional e en centros residenciais docentes, faculta, na súa disposición derradeira, parágrafo 1º a Consellería de Educación e Ordenación Universitaria para o desenvolvemento e execución no disposto nel.
Na súa virtude, e consonte o establecido no artigo 8 do citado decreto, a Consellería de Educación e Ordenación Universitaria,
DISPÓN:
Capítulo primeiro. Condicións xerais.
Artigo 1º
1.-Convócanse prazas e axudas para tódolos cursos dos seguintes niveis e graos académicos nos centros residenciais docentes que se detallan:
a) Centro residencial docente da Coruña (modalidade masculina).
Para seguir estudios no instituto de educación secundaria e profesional da Coruña de:
-Bacharelato e COU.
-Formación profesional de primeiro grao nas profesións que o centro teña autorizadas.
-Formación profesional de segundo grao nas especialidades de electrónica de comunicacións, instalacións frigoríficas e climatización, mecánica naval e navegación de cabotaxe.
Para seguir estudios no instituto de formación profesional de Someso de:
-2º ciclo ESO.
-Módulos profesionais nivel 2, ciclos formativos grao medio (pendentes de autorización).
-Formación profesional de segundo grao nas especialidades de: máquina, ferramentas, matricería e moldes, calderería en chapa, fontanería e deseño e fabricación de mobles.
Para seguir estudios no instituto de formación profesional Monte das Moas de:
-Bacharelato de ciencias da natureza e da saúde.
b) Centro residencial docente de Ourense (modalidade masculina).
Para seguir estudios no instituto de educación secundaria e profesional de Ourense de:
-Bacharelato e COU.
-Formación profesional de primeiro grao nas profesións que o centro teña autorizadas.
-Formación profesional de segundo grao nas especialidades de mecánica e electricidade do automóbil e electrónica industrial.
Para seguir estudios no instituto de formación profesional da Farixa de:
-2º ciclo ESO.
-Módulos profesionais nivel 2, ciclos formativos grao medio (pendentes de autorización).
-Formación profesional de primeiro grao nas profesións que o centro teña autorizadas.
-Formación profesional de segundo grao nas especialidades de electrónica de comunciacións, equipos de informática e delineación de edificios e obras.
c) Centro residencial docente de Vigo (modalidade feminina).
Para seguir estudios no instituto de educación secundaria e profesional de Vigo de:
-Bacharelato e COU.
-Formación profesional de primeiro grao nas ramas de delineación e química.
-Formación profesional de segundo grao nas especialidades de delineación de edificios e obras e análise en procesos básicos.
Para seguir estudios no instituto de FP O Meixoeiro Ricardo Mella de Vigo:
-2º ciclo ESO.
-Modulos profesionais nivel 2, ciclos formativos grao medio (pendentes de autorización).
-Formación profesional de primeiro grao nas profesións que o centro teña autorizadas.
-Formación profesional de segundo grao, soamente continuación das alumnas das especialidades rematadas no primeiro grao de FP.
Para seguir estudios no instituto de formación profesional nº 6 de Vigo:
-2º ciclo ESO.
-Módulos profesionais nivel 2, ciclos formativos grao medio (pendentes de autorización).
-Formación profesional de primeiro grao nas profesións que o centro teña autorizadas.
-Formación profesional de segundo grao nas especialidades de matricería e moldes, ebanistería, mecánica e electricidade do automóbil.
2.-Os aspirantes ó primeiro curso de formación profesional de primeiro grao solicitarán exclusivamente o grao; posteriormente, poderán elixir entre as ramas que se imparten, segundo o centro ó que sexa destinado, en función das prazas que queden dispoñibles.
3.-O número de prazas de residencia serán as correspondentes ás vacantes que se produzan para o curso 1995-1996, e faranse públicas no momento de se producir.
Artigo 2º
1.-De conforinidade co artigo 8 do Decreto 43/1989, do 2 de marzo (DOG do 31-3-1989), as prazas dos centros residencias docentes levan implícita a admisión no instituto de educación secundaria e profesional da mesma localidade, segundo se especifica no devandito decreto.
2.-No caso de que a solicitude sexa feita coa finalidade de cursar especialidades que non se impartan nos institutos de educación secundaria e profesional
citados no punto anterior, a adxudicación de praza de residencia terá carácter provisional. A adxudicación farase definitiva cando o interesado presente, na secretaría do centro residencial docente respectivo, xustificante acreditativo de que foi admitido no instituto de formación profesional no que se imparta a devandita especialidade, que necesariamente ten que ser da mesma localidade que o centro residencial docente. Para estes efectos enténdese que a localidade do centro residencial docente da Coruña é, ademais de Culleredo, a cidade da Coruña.
Artigo 3º
1.-Poderán concorrer a esta convocatoria todos aqueles que reúnan os requisitos de idade e estudios previstos nela e que desexen prosegui-los seus estudios nos centros indicados no artigo anterior como residentes nos respectivos centros residenciais docentes así como os actuais residentes dos centros residenciais docentes que rematen un nivel educativo, grao ou ciclo, se desexan seguir como tales no seguinte nivel, grao ou ciclo. Para estes efectos entenderase que o COU forma nivel educativo co bacharelato.
2.-Para poder optar á praza de residencia os aspirantes deberán acredita-las circunstancias que impidan a súa escolarización nun centro sostido con fondos públicos. Con carácter xeral esta circunstancia será a de non poder cursa-los estudios solicitados por non haber un centro sostido con fondos públicos, que imparta os devanditos estudios, ben na localidade de residencia, ben nunha localidade próxima que permita, polos medios de comunicación da zona, un acceso diario con facilidade. Con tal obxecto, as delegacións provinciais da Consellería de Educación e Ordenación Universitaria emitirán o correspondente informe na solicitude do aspirante. Con carácter particular, e, documentalmente acreditado, poderanse ter en conta outras circunstancias, como condicións de orfandade, fillo de emigrantes ou situacións familiares moi graves.
3.-Os residentes participarán economicamente nos gastos desta de acordo coa seguinte escala:
Os alumnos ós que o limiar da renda familiar non lles exceda do que se fixe na convocatoria de bolsas e axudas ó estudio no nivel de ensinanzas medias para poder recibir bolsa ou axuda ó estudio de carácter xeral: ningunha.
Os que superen ata un 6%: 60.000.
Os que superen en máis dun 10% e ata un 20%: 93.300.
Os que superen en máis dun 20% e ata un 30%: 150.500.
Os que superen en máis dun 30%: 229.000.
O aboamento da participación económica poderase fraccionar ata nun máximo de tres prazos trimestrais anticipados.
Para os fillos de españois residentes no estranxeiro o mínimo de renda familiar per cápita multiplicarase
polo coeficiente, que corresponda, segundo a táboa seguinte:
Estados Unidos, Noruega, Suecia, Suíza, Alemania e Dinamarca: 2,3.
Francia, Austria, Italia, Holanda, Bélxica, Luxemburgo, Australia, Canadá e Reino Unido: 1,5.
Restantes países: 1,0.
Capítulo segundo. Normas de procedemento.
Artigo 4º
1.-As solicitudes dos aspirantes formalizaranse de acordo co modelo que figura como anexo da presente orde.
2.-As solicitudes poderanse presentar nos centros residenciais docentes. O prazo de presentación de solicitudes será de 30 días naturais contados a partir do día seguinte ó da súa publicación no Diario Oficial de Galicia.
3.-Os funcionarios receptores deberán cotexa-la veracidade dos datos reflectidos na folla de solicitude, requirindo dos interesados a documentación que para tal efecto consideren necesaria; igualmente comprobarán que as follas de solicitude estean cubertas en tódolos seus apartados. Tódalas follas estarán asinadas polo funcionario receptor correspondente.
4.-Unha vez recibidas polos centros residenciais docentes, as solicitudes serán remitidas ás delegacións provinciais correspondentes, que coa maior brevidade posible emitirán o preceptivo informe e serán devoltas ós centros.
Artigo 5º
As axudas para gastos residencias concederanse total ou parcialmente, segundo o nivel de renda familiar e de acordo coas dispoñibilidades orzamentarias da Consellería de Educación e Ordenación Universitaria.
Artigo 6º
O proceso de selección dos aspirantes axustarase ó disposto nos artigos seguintes.
Capítulo terceiro. Selección de aspirantes.
Sección primeira. Requisitos académicos.
Artigo 7º
1.-Para poder desfrutar das axudas reguladas nesta orde será preciso o cumprimento dos requisitos esixidos para o efecto pola lexislación académica vixente para poder acceder ó curso que se solicite. En particular, os alumnos de cursos non iniciais de ciclo en FP1, e nos que non se esixe ningún requisito académico para poder acceder a eles, deberán acreditar non ter pendente de aprobación máis de 2 materias do curso anterior.
2.-Sempre que se cumpran os requisitos académicos previstos no parágrafo anterior e que non variasen as circunstancias que motivaron a conce
sión, a renovación das axudas para os diferentes cursos dun mesmo nivel ou grao educativo producirase de xeito automático.
Artigo 8º
1.-Non poderá obterse praza de residencia cando os estudios solicitados supoñan perda de un ou máis cursos no proceso educativo. Non se considerará tal circunstancia cando o pase a outro nivel ou grao de ensino estea previsto na lexislación vixente como unha continuación posible dos estudios realizados anteriormente. Así mesmo, tampouco se terá en conta no caso de alumnos que despois de cursar bacharelato pasen a cursar estudios de formación profesional de segundo grao, réxime xeral, sen cursa-lo COU.
2.-Para a concesión das axudas e prazas que se convocan será requisito necesario que os solicitantes nacesen nos anos que a seguir se indican:
Primeiro curso de formación profesional de primeiro grao: 1978, 1979, 1980, 1981 ou 1982.
Segundo curso de formación profesional de primeiro grao: 1977, 1978, 1979, 1980 ou 1981.
Primeiro curso de bacharelato: 1978, 1979, 1980, 1981 ou 1982.
Segundo curso de bacharelato: 1977, 1978, 1979, 1980 ou 1981.
Terceiro curso de bacharelato: 1976, 1977, 1978, 1979 ou 1980.
Curso de orientación universitaria: 1975, 1976, 1977, 1978 ou 1979.
Primeiro curso de formación profesional de segundo grao, réxime xeral: 1976, 1977, 1978 ou 1979.
Segundo curso de formación profesional de segundo grao, réxime xeral: 1975, 1976, 1977 ou 1978.
Primeiro curso de formación profesional de segundo grao, ensinanzas especializadas: 1977, 1978, 1979 ou 1980.
Segundo curso de formación profesional de segundo grao, ensinanzas especializadas: 1976, 1977, 1978 ou 1979.
Terceiro curso de formación profesional de segundo grao, ensinanzas especializadas: 1975, 1976, 1977 ou 1978.
Terceiro curso ESO: 1978, 1979, 1980, 1981 ou 1982.
Cuarto curso ESO: 1977, 1978, 1979, 1980 ou 1981.
Módulos profesionais nivel 2: 1976, 1977, 1978, 1979 ou 1980.
Ciclos formativos grao medio: 1976, 1977, 1978, 1979 ou 1980.
Bacharelato de ciencias da natureza e da saúde: 1976, 1977, 1978, 1979 ou 1980.
Sección segunda. Criterios de valoración para a concesión de praza.
Artigo 9º
A valoración das solicitudes admitidas abranguerá dúas cualificacións: a socio-económica e a académica.
Artigo 10º
A valoración socio-económica obterase ó aplica-lo barerno, establecido de acordo cos seguintes criterios: renda familiar, composición do grupo familiar, condición de orfandade ou calquera outra situación familiar especial e o número de habitantes do lugar de residencia familiar.
Artigo 11º
1.-Por renda familiar entenderase a suma dos ingresos obtidos por tódolos membros computables, calquera que sexa a súa procedencia, no ano natural inmediatamente anterior ó do comezo do curso académico 1995-1996, e entenderase que son ingresos de base da familia.
2.-A renda familiar dispoñible obterase deducindo da renda familiar o importe ó que ascenda as retencións e ingresos a conta, tanto por rendementos de traballo e actividades profesionais, como por rendemento de capital mobiliario, os pagamentos fraccionados, xuros de capitais alleos investidos na adquisición da primeira vivenda, as cotizacións á Seguridade Social ou cantidades aboadas por dereitos pasivos e a mutualidades de carácter obrigatorio, as cotizacións obrigatorias ós colexios de orfos ou institucións similares e o cinco por cento sobre os ingresos íntegros por rendementos de traballo, cun tope máximo de duascentas setenta mil pesetas, ou o quince por cento, cun tope máximo de seiscentas trinta mil pesetas, e nos supostos previstos no artigo 28.2º da Lei 18/1991, do imposto sobre a renda das persoas físicas. Tamén se deducirá a cantidade ingresada como consecuencia da autoliquidación do imposto sobre a renda das persoas físicas. No caso de que mediase devolución por parte do
Tesouro Público, a renda familiar dispoñible deberá incrementarse na cantidade a devolver. Non serán obxecto de deducción as desgravacións por plans de pensións. Para obte-la renda familiar non se computarán, en ningún caso, as cantidades percibidas como bolsas ou axudas ó estudio procedentes do Estado.
Os órganos de selección estudiarán especificamente aqueles ingresos que procedan de indemnizacións por despedimento.
3.-Os titulares de explotacións agropecuarias computarán como ingresos o valor dos productos daquelas que sexan utilizadas para o seu propio consumo.
4.-Os ingresos familiares dos solicitantes dos que os pais sexan españois residentes no estranxeiro, poderanse consignar en moeda propia do país en que se obteñan; o cálculo do seu contravalor en pesetas farase aplicando o tipo oficial que dea un resultado menor e que tivese a moeda respectiva o 2 de xaneiro do ano en que se solicite a bolsa, e computarase tan só un 75% deste.
5.-Os aspirantes deberán achegar unha copia selada da declaración formulada para o imposto sobre
a renda das persoas físicas correspondente ó ano a que se refiran os ingresos consignados na solicitude a partir da data en que remate o prazo establecido para presentar tal declaración tributaria. Se os ingresos de base declarados para solicita-la praza fosen diferentes ós que figuran na declaración do imposto sobre a renda das persoas fisicas presumirase, salvo xustificación en contra, que houbo ocultación de ingresos, e procederase, en consecuencia, a denega-la praza de residencia ou as prestacións solicitadas.
Artigo 12º
1.-Consideraranse membros do grupo familiar:
O solicitante, o pai e a nai, os irmáns solteiros menores de 23 anos que convivan no domicilio familiar ou os de maior idade que padezan incapacidade ou diminución fisica, psíquica ou sensorial e os ascendentes dos pais que xustifiquen adecuadamente a súa residencia no mesmo domicilio.
Os irmáns solteiros maiores de 23 anos cando estean prestando o servicio militar, ou realizando estudios, sen actividade de carácter laboral remunerada, ou no suposto de que constitúan a fonte de recursos económicos máis importantes da familia.
Os irmáns solteiros menores de 25 anos cando estean en situación de paro laboral. Pero se percibiesen subsidio de desemprego deberá ser este computado entre os ingresos de base da familia.
A persoa menor de 23 anos que estea acollida legalmente ou de feito pola familia do solicitante e vivindo a conta súa sempre que a devandita convivencia quede suficientemente xustificada.
2.-No caso de divorcio ou separación dos pais non se considerará membro computable aquel dos pais que non conviva co solicitante, sen prexuízo de que nos ingresos de base da familia se inclúa a súa contribución económica.
3.-Nos casos nos que o solicitante alegue a súa independencia familiar, calquera que sexa o seu estado civil, deberá acreditar suficientemente esta circunstancia e o seu domicilio, así como o pagamento de alugueiro da vivenda, se é o caso, e dos medios económicos con que conta. De non xustificar suficientemente estes datos, a solicitude será sometida a exame pormenorizado con comprobación da renda e a situación real do solicitante.
Artigo 13º
1.-Ó cociente dos ingresos anuais polo número de membros computables da familia adxudicaráselle a seguinte puntuación:
Puntos
Ata 495.000 pesetas10
De 495.001 a 570.0008
De 570.001 a 645.0007
De 645.001 a 720.0006
De 720.001 a 795.0005
De 795.001 a 870.0004
De 870.001 a 945.0003
De 945.001 a 1.020.0002
De 1.020.001 a 1.095.0001
Máis de 1.095.0000
2.-Engadirase 0,50 puntos por cada un dos irmáns, íncluído o solicitante, que integre o grupo familiar de acordo co establecido no artigo 12 da presente orde.
3.-Ós aspirantes en situación de orfandade incrementaráselle-la puntuación en 10 puntos; en 15 se se trata de orfandade absoluta.
4.-Ós aspirantes con circunstancias familiares especiais engadiráselles ata 5 puntos. Consideraranse neste apartado situacións tales como fillos de españois residentes no estranxeiro; familias con membros diminuídos física, psíquica ou sensorialmente, sempre que da incapacidade se derive a imposibilidade de obter ingresos de natureza laboral; cando o cabeza de familia sexa inválido ou estea aqueixado de enfermidade permanente que o imposibilite para o traballo, e que a súa única fonte de ingresos sexa a pensión percibida pola dita invalidez ou que estea en situación de paro, sen percepción do subsidio de desemprego e existan dificultades de escolarización que valorará o tribunal cualificador.
5.-En atención ó número de habitantes da entidade singular de poboación na que resida a familia, engadiranse os seguintes puntos, de acordo co previsto no artigo 10º.
Puntos
Entidades de menos de 1.000 habitantes5
Entidades de 1.001 a 2.000 habitantes4
Entidades de 2.001 a 5.000 habitantes3
Entidades de 5.001 a 10.000 habitantes2
Entidades de 10.001 a 20.000 habitantes1
Entidades de máis de 20.000 habitantes0
6.-As delegacións provinciais da Consellería de Educación e Ordenación Universitaria poderán propoñer á consideración do tribunal cualificador casos concretos de solicitantes que presenten unha problemática excepcional ou que residan en zonas con grandes dificultades de escolarización. O tribunal cualificador, considerando esta circunstancias, poderalles outorgar a estes aspirantes a puntuación que resulte adecuada para a obtención de praza.
Artigo 14º
O rendemento académico dos aspirantes valorarase numericamente pola nota media das disciplinas correspondentes ó curso anterior e aplicarase para as disciplinas aprobadas en segundas convocatoria en coeficiente reductor do 0,8. Neste sentido, e para efectos do cómputo da nota media, utilizarase a seguinte táboa de equivalencias para as cualificacións de xuño:
Puntos
Moi deficiente2
Insuficiente ou suspenso4
Suficiente ou aprobado5
Ben6
Notable8
Sobresaliente10
Capítulo cuarto. Adxudicación de prazas de residencia.
Artigo 15º
Os centros residenciais docentes remitirán á Dirección Xeral de Ordenación Educativa e Centros, con anterioridade ó 16 de maio, o número de vacantes co fin de que o tribunal cualificador poida establece-los criterios para a súa cobertura.
Artigo 16º
Un tribunal cualificador valorará as solicitudes. Estará composto como segue:
Presidente: o director xeral de Ordenación Educativa e Centros, ou persoa en quen delegue.
Vocais: un representante de cada un dos centros residencias docentes.
-Un representante dos departamentos de bolsas das delegacións provinciais da Consellería de Educación e Ordenación Universitaria.
-Un inspector de formación profesional ou bacharelato.
-Un funcionario da Consellería de Educación e Ordenación Universitaria, que actuará como secretario.
Artigo 17º
1.-O tribunal cualificador, á vista das solicitudes presentadas e do número de prazas dispoñibles, establecerá unha nota mínima, tanto na fase de valoración socio-económica como na valoración académica, para cada un dos cursos nos niveis ou graos que os solicitantes vaian realizar. O tribunal cualificador excluirá os aspitantes que non acaden as devanditas notas mínimas, comunicándollelo antes de finaliza-lo mes de xuño.
2.-Só os solicitantes que alcancen as notas mínimas na valoración socio-económica e académica establecidas polo tribunal cualificador terán acceso á fase de selección.
3.-A puntuación total obterase da suma das valoracións socio-económica e académica.
Artigo 18º
1.-Antes do 8 de xuño, o tribunal cualificador elevará á Dirección Xeral de Ordenación Educativa e Centros proposta de concesión das prazas de residencia, así como relación de solicitantes declarados suplentes para cubri-las vacantes que se produzan.
2.-Antes do 20 de xuño, a Dirección Xeral de Ordenación Educativa e Centros resolverá a concesión das prazas de residencias, que lles será comunicada ós interesados e indicará a decisión adoptada sobre as súas solicitudes. Ós admitidos con praza e ós suplentes sinalaráselle-lo centro residencial docente ó que son destinados.
3.-Na mesma data remitirase ós centros residenciais docentes a relación de residentes destinados a estes, así como os suplentes que se nomeasen para, cubri-las vacantes que se produzan.
Artigo 19º
As prazas de residencia convocadas para cada centro cubriranse tendo en conta a puntuación total obtida polos aspirantes e a localización do seu domicilio en relación coa dos centros residenciais docentes respectivos e as posibilidades de desprazamento ós seus domicilios, co obxecto de facilita-la convivencia familiar durante os días non lectivos e as vacacións.
Capítulo quinto. Adxudicación das axudas.
Artigo 20º
A resolución provisional das axudas dos residentes seralles comunicada ós centros residenciais docentes pola Dirección Xeral de Ordenación Educativa e Centros antes do 30 de xuño de 1995.
Artigo 21º
Os respectivos centros residenciais docentes, en calquera momento do curso 1995-1996, elevarán propostas de revisión de axudas á Dirección Xeral de Ordenación Educativa e Centros daqueles beneficiarios ós que as condicións particulares se lles modifiquen.
Capítulo sexto. Comprobación de requisitos.
Artigo 22º
Os centros residenciais docentes poñeranse en contacto cos residentes titulares e suplentes que lles fosen destinados, e reclamaránlle-la documentación necesaria para verifica-lo cumprimento dos requisitos esixidos na convocatoria.
Capítulo sétimo. Reclamación e recursos.
Artigo 23º
1.-De acordo co disposto na vixente Lei de procedemento administrativo, a resolución da convocatoria comunicaráselles ós interesados e ós centros, e daráselles ós primeiros un prazo de reclamación de 15 días, desde a data de notificación desa resolución, para alegacións.
2.-As reclamacións serán resoltas no prazo de quince días naturais pola Dirección Xeral de Ordenación Educativa e Centros.
3.-Resoltas as reclamacións formuladas, as adxudicacións definitivas publicaranse no DOG. Contra esta resolución definitiva poderá entablarse recurso
ordinario perante o conselleiro de Educación e Ordenación Universitaria, no prazo de un mes desde a súa publicación, como previo á xurisdicción contencioso-administrativa.
Capítulo oitavo. Incorporación dos alumnos seleccionados.
Artigo 24º
1.-Os centros residenciais docentes, unha vez coñecidos os residentes titulares que se van incorporar por reuni-los requisitos esixidos na convocatoria e por acepta-la praza, procederán a avisa-los suplentes por orde de lista para cubri-las vacantes que se producisen. Para tal efecto formularán consulta previa coa Dirección Xeral de Ordenación Educativa e Centros, para coñecer se hai que reservar praza para algún aspirante unha vez resoltas as posibles reclamacións recibidas.
2.-Ós suplentes que non pasen a titulares seralles comunicada esta circunstancia polos respectivos centros residenciais docentes.
3.-Queda absolutamente prohibida a incorporacion de residentes non beneficiarios mentres non se esgote a relación de residentes que superasen as notas mínimas a que se fai referencia no artigo 17º nos estudios correspondentes.
4.-Os residentes poderanse incorporar á praza de residencia unicamente para cursa-los estudios, que expresaron na súa solicitude.
5.-Os residentes incorporados quedarán suxeitos ás normas de réxime interno do centro.
6.-O estado de saúde do residente, que se acreditará documentalmente no momento da incorporación ó centro, deberá permiti-lo normal desenvolvemento da vida residencial ou docente, se é o caso.
7.-Os residentes que non se incorporen ós centros residenciais docentes nas datas que cada centro sinale para o inicio do curso escolar, non poderán desfrutar da praza de residencia, e perderán os seus dereitos, salvo nos casos de forza maior, apreciados polo xerente, oído o consello de residencia.
8.-As normas de incorporación serán elaboradas polos respectivos centros residencias docentes, que deberán poñelas en coñecemento dos seus residentes con 10 días de antelación. Cada centro enviará copia das súas normas de incorporación á Dirección Xeral de Ordenación Educativa e Centros no momento do seu envío ós residentes.
9.-Cada centro residencial docente será responsable de que tódolos residentes que efectúen a súa incorporación reúnan os requisitos esixidos na convocatoria, segundo o establecido no artigo 22º.
Artigo 25º
A falsidade de datos ou a falsificación de documentos que se presenten, calquera que sexa o momento en que se domostre a inexactitude, terá como consecuencia a perda total dos dereitos do solicitante, sen prexuízo doutras responsabilidades a que houbese lugar, logo da apertura do correspondente expediente.
Artigo 26º
1.-A perda da condición de alumno do centro onde debía cursa-los estudios para os que lle foi concedida a axuda, determinará a perda desta e, asemade, a condición de residente do centro residencial docente.
2.-Igualmente, cesarán no desfrute das axudas como consecuencia de sanción disciplinaria ou baixo rendemento académico, de acordo coa normativa vixente, logo do oportuno expediente.
Disposicións adicionais
Primeira.-Estudiantes non beneficiarios. Os estudiantes que non teñan concedidas axudas poderán desfrutar dalgún ou varios dos servicios de residencia, sempre que exista dispoñibilidade para iso, mediante o aboamento do seu importe, de acordo coas cantidades fixadas para os residentes que excedan dos módulos máximos. Nese caso, a utilización dos devanditos servicios suporá o compromiso tácito do estricto cumprimento da normativa de convivencia establecida polos respectivos centros residenciais docentes.
Segunda.-Desprazamento dos residentes ós seus domicilios familiares. Co obxecto de facilita-la convivencia familiar dos residentes e tendo en conta as posibilidades e duración dos desprazamentos, os centros programarán estes durante as fins de semana e grupos de días festivos coa periodicidade aconsellable. En todo caso, os gastos de desprazamento serán de conta dos propios residentes.
Terceira.-Compatibilidades. Estas axudas poderán ser compatibles coa axuda compensatoria e a axuda para gastos determinados por razón de material escolar da convocatoria xeral de bolsas e axudas ó estudio.
Cuarta.-En todo o non regulamentado pola presente orde serán de aplicación as normas vixentes en materia de bolsas e axudas ó estudios.
Disposicións derradeiras
Primeira.-Facúltase a Dirección Xeral de Ordenación Educativa e Centros para adopta-las medidas necesarias para o cumprimento desta orde.
Segunda.-A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 20 de marzo de 1995.
Juan Piñeiro Permuy
Conselleiro de Educación e Ordenación Universitaria
