Pola Orde do 15 de decembro de 1989 reguláronse as tarifas mínimas obrigatorias dos transportes de animais vivos en distancias inferiores a 200 km.,
realizados integramente dentro do ámbito territorial da Comunidade Autónoma de Galicia.
A aplicación directa do dercito comunitario a Galicia, consecuencia da integración de España na Comunidade Económica europea, trae consigo a tendencia á liberalización global, cara ó ano 1998, do sector do transporte. Consecuencia disto é que o sistema proteccionista que deu lugar ó establecemento de tarifas para o transporte de animais vivos en distancias inferiores a 200 km. realizados integramente dentro do ámbito territorial da Comunidade Autónoma de Galicia, carece de sentido, toda vez que prevalecen os principios de autonomía da vontade das partes e liberdade de empresa no marco da economía de mercado, todo isto xunto coa inexistencia das razóns que xustificaron no seu día o establecemento das ditas tarifas desde a perspectiva da ordenación do transporte trae consigo a necesidade de excluír do sistema tarifario o transporte de animais vivos, en distancias inferiores a 200 km. realizados integramente dentro do ámbito territorial da Comunidade Autónoma de Galicia.
Na súa virtude, e oído o Consello Galego de Transportes,
DISPOÑO:
Artigo único.-Quedan liberalizadas as tarifas para o transporte de animais vivos en distancias inferiores a 200 km., realizados integramente dentro do ámbito territorial da Comunidade Autónoma de Galicia.
Disposición derrogatoria
Quedan liberalizadas as tarifas para o transporte de animais vivos en distancias inferiores a 200 km., realizados integramente dentro do ámbito territorial da Comunidade Autónoma de Galicia.
Disposición derradeira
A presente orde entrará en vigor ó seguinte día da súa publicación.
Santiago de Compostela, 5 de abril de 1995
José Cuíña Crespo
Conselleiro de Política Territorial, Obras Públicas e Vivenda