O 10 de marzo de 1995, o Consello de Contas recibiu da Sala do Contencioso-Administrativo, sección primeira do Tribunal Superior de Xustiza de Galicia, providencia pola que se admite o recurso contencioso-administrativo número 01/0000314/1995, interposto por Feliciano López Pazos contra a resolución do Consello de Contas de Galicia de data 23 de decembro de 1994 (DOG nº 2, do 3-1-1995) sobre relación de postos de traballo do consello.

En consecuencia, esta consello acordou nesta data, e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa modificada pola Lei 10/1992, do 30 de abril, a remisión do correspondente expediente administrativo á referida sala. O que se notifica para xeral coñecemento de tódalas persoas interesadas no procedemento, que son emprazadas para que poidan comparecer en forma legal en autos na Sala do Contencioso-Administrativo do Tribunal Superior de Xustiza de Galicia no prazo de nove días.

Santiago de Compostela, 20 de marzo de 1995.

Carlos G. Otero Díaz

Conselleiro maior do Consello de Contas de Galicia