Aprobado por acordo plenario de data 28 de outubro de 1994 o prego de cláusulas técnicas, xurídicas, económicas e administrativas para o concurso de contrato de seguro de accidentes para os membros de Protección Civil do Concello de Ferrol, exponse ó público durante oito días, contados a partir do seguinte ó da publicación deste anuncio no BOP para a presentación de réclamacións.
Simultaneamente, nos termos do artigo 122 do Real decreto lexislativo 781/1986, anúnciase concurso para a adxudicación do citado contrato, abríndose un prazo de vinte días hábiles para a presentación de proposicións, prazo que empezará a contar desde a última publicación deste anuncio nos boletíns oficiais correspondentes.
-Obxecto do contrato.
É a contratación dunha póliza que cubra o risco de accidente dos membros de Protección Civil do Concello de Ferrol no exercicio das funcións que desempeñen.
-Garantías e capitais asegurados.
Será para cada accidente que afecte os membros de Protección Civil, e por cada un deles as seguintes sumas:
Por morte: 3.000.000 de pesetas por cada falecemento.
Por invalidez permanente: 3.000.000 de pesetas por afectado.
Por invalidez temporal: indemnización diaria de 2.000 pesetas a partir do primeiro día.
-Orzamento.
Non se establece orzamento concreto para o presente concurso, polo que os licitadores deberán presenta-los seus orzamentos en función das características das súas ofertas.
Nas ofertas deberá indicarse o importe das primas anuais.
Para tódolos efectos entenderase que nas ofertas se encontran incluídos tódolos gastos que o adxudicatario debe realizar para o cumprimento das obrigas contratadas, e en especial o IVE.
-Duración.
A duración de cada contrato de seguro será de un ano prorrogable a partir da adxudicación do contrato, salvo preaviso por algunha das partes mediante comunicación escrita con dous meses de antelación.
-Procedemento de licitación e forma de adxudicación.
O procedemento de licitación deste contrato é aberto e a súa forma de adxudicación será por concurso.
-Fianza provisional.
Coa documentación enumerada na cláusula décima presentarase por separado e fóra dos referidos sobres o documento que acredite que se constituíu na caixa da corporación e a favor desta a cantidade de 100.000 ptas., en concepto de fianza provisional para participar non concurso, podendo constituírse en metálico ou mediante aval.
-Proposicións: lugar e plazo de presentación.
As proposicións para poder tomar parte na licitación presentaranse en tres sobres cerrados nas oficinas do rexistro xeral, dentro do prazo de 20 días hábiles contados desde o día seguinte ó da última publicación no BOE ou BOP, en horas de 9 a 14. Se o derradeiro día coincide con sábado entenderase prorrogado o prazo ata o seguinte día hábil inclusive.
-Proposicións, documentación.
Sobre A: levará mención «Proposición económica para a adxudicación mediante concurso de contrato de seguro de accidente convocado polo Concello de Ferrol».
O licitador (asinado e rubricado).
Dentro do sobre conterá a oferta económica axustada ó seguinte modelo:
D./Dª..., con DNI nº... e domicilio para efectos de notificación na cidade de...,rúa/praza.... nº..., C.P...., teléfono..., actuando en nome propio (ou en nome e representación de..., DNI/CIF nº..., con domiclio en.... rúa praza..., nº..., C.P .... ) toma parte no concurso convocado polo Concello de Ferrol para adxudicación do contrato de seguros de accidentes
dos membros de Protección Civil e fai constar que coñece e acepta o prego de condicións e que presenta a seguinte oferta de contrato de seguros .............................
Ferrol, ... de ... de 1994.
O licitador (asinado e rubricado)
A documentación coas condicións e características de cada proposta deberá incluírse-no sobre C.
Sobre B: personalidade xurídica e xustificantes.
No anverso do sobre levará a mención «Personalidade xurídica e xustificantes para a adxudicación mediante concurso dos contratos de seguro, convocado polo Concello de Ferrol».
O licitador (asinado e rubricado).
Dentro do sobre figurará a seguinte documentación:
a) Empresario individual: fotocopia do DNI, pasaporte ou documento que o substitúa.
b) Persoas xurídicas: escritura de constitución ou de modificación, se é o caso, inscrita no Rexistro Mercantil.
c) Cando o licitador non actúe en nome propio ou se trate de sociedade ou persoa xurídica, deberá achegarse poder notarial para representa-la persoa ou entidade no nome da cal concorre ante a administración contratante, validado polo secretario do concello.
d) Declaración expresa de que a empresa interesada non está incursa en ningunha das prohibicións para contratar ou incompatibilidades establecidas no artigo 9 da vixente Lei de contratos do Estado.
e) Declaración expresa e responsable efectuada ante notario ou autoridade pública de que a empresa interesada está ó corrente das obrigas tributarias e coa Seguridade Social a que se refiren os artigos 9 da Lei de contratos do Estado e 23 do Regulamento xeral de contratación ou certificados expedidos pola Tesourería Xeral da Seguridade Social e polo Ministerio de Economía e Facenda acreditativos de tales extremos.
Sobre C: referencias técnicas.
No anverso do sobre levará a mención «Referencias técnicas para a adxudicación do concurso dos contratos de seguro convocado polo Concello de Ferrol».
O licitador (asinado e rubricado).
Dentro do sobre figurarán os seguintes documentos:
a) Relación de contratos análogos celebrados con outras administracións.
b) Documentación explicativa das condicións e características das ofertas de contratos presentadas.
e) Fórmulas de revisión das sumas aseguradas e das primas.
d) Tódolos documentos que o licitador considere conveniente aportar que acrediten a súa solvencia
económica, financiera e á súa organización.
e) Póliza adaptada ó prego.
-Apertura de proposicións.
A apertura de proposicións terá lugar, en acto público, na Casa do Concello de Ferrol, ás 12 horas do día hábil seguinte ó de remate do prazo sinalado para a presentación de proposicións, ante a Mesa de Contratación constituída para o efecto, presidida polo alcalde ou concelleiro en quen delegue e o secretario do concello, que dará fe e autorizará a acta.
Para o caso de que o dito día coincida en sábado, a apertura de plicas realizarase o primeiro día hábil seguinte.
O acto terminará coa simple apertura de plicas para posterior remisión ós servicios técnicos e administrativos.
-Fianza definitiva.
Para responder das obrigas derivadas do contrato, o adxudicatario deberá ingresar na caixa da corporación un importe equivalente ó 4% do importe da prima anual do contrato, na cantidade exacta que se indica na comunicación da adxudicación.
O prazo para deposita-la fianza definitiva será de 10 días contados desde o seguinte a aquel en que se reciba a notificación da adxudicación.
Exposición do expediente.
Para calquera consulta relativa á presente licitación queda posto de manifesto o expediente administrativo na Sección de Facenda e Patrimomio.
Ferrol, 7 de febreiro de 1995.
O alcalde
Rubricado