O volume da actividade que en materia de contratación está a desenvolve-lo Instituto Galego da Vivenda e Solo aconsella, por elementais criterios de racionalización, e en aplicación dos principios de economía e eficacia que deben presidi-la actividade administrativa, como se recolle na Lei 1/1983, reguladora da Xunta e o seu presidente e na Lei 30/1992, de réxime xurídico das administracións públicas e do procedemento administrativo común, procederá delegación das facultades que, como órgano de contratación do referido organismo autónomo lle corresponden a esta presidencia.

Visto o disposto no artigo 11.c) da Lei 3/1988, do 27 de abril, de creación do Instituto Galego da Vivenda e Solo, e no artigo 22.2º e) do Decreto 288/1988, do 29 de setembro, de desenvolvemento da citada lei, e logo de realiza-lo trámite previsto polo artigo 390 do Regulamento xeral de contratación,

RESOLVO:

Primeiro.-Deléganse no director xeral as facultadas que como órgano de contratación ten atribuídas o presidente do instituto polas disposicións en vigor.

Segundo.-As resolucións administrativas que se adopten en uso das facultades que se deriven da precedente delegación farán constar expresamente esta circunstancia, e consideraranse dictadas polas autoridades que as conferiron.

Terceiro.-Esta delegación efectúase sen prexuízo de que o presidente poida reasumir en calquera momento o coñecemento e resolución dos asuntos obxecto de delegación.

Santiago de Compostela, 6 de abril de 1995

José Cuíña Crespo

Presidente do Instituto Galego da Vivenda e Solo e conselleiro de Política Territorial, Obras Públicas e Vivenda