Con data 27 de xaneiro de 1995 o director xeral de Obras Públicas aprobou o proxecto de modificado nº 1 do de urbanización xeral no porto de Muxía.
Os bens e dereitos nos que se concreta a declaración de urxente ocupación aparecen recollidos e valorados no citado proxecto.
A competencia para efectua-la declaración de urxente ocupación tena atribuída a Xunta de Galicia, en virtude do artigo segundo do Decreto 167/1982, do 1 de decembro, sobre asunción de transferencias en materia de portos, e a súa asignación á Consellería de Política Territorial, Obras Públicas e Vivenda.
En virtude de todo o exposto, e en aplicación do artigo 28.2º do Estatuto de autonomía de Galicia e dos artigos 10 e 52 da Lei de expropiación forzosa, en relación co previsto no artigo 8 da Lei 25/1988, do 29 de xullo, por proposta do conselleiro de Política Territorial, Obras Públicas e Vivenda, logo de deli
beracion do Consello da Xunta de Galicia na súa reunión do día trinta e un de marzo de mil novecentos noventa e cinco,
DISPOÑO:
Artigo único.-Declara-la utilidade pública e a urxente ocupación dos bens e dereitos necesarios que se concretan no expediente administrativo instruído, para efectos de expropiación, no proxecto da obra de clave: CS-03-14-88/376-M, modificado nº 1 do de urbanización xeral no porto de Muxía.
Santiago de Compostela, trinta e un de marzo de mil novecentos noventa e cinco.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas e Vivenda