Aprobado inicialmente polo Concello Pleno, con data 14 de febreiro de 1995, o proxecto de urbanización na U.A. II do PERI II-03 Castro Castriño (3853/401) presentado por Promotora Vigolar, S.A., redactado polos arquitectos Cordeiro, Davila e Jiménez, con visado do COAG do 10 de outubro de 1994; sométese a información pública polo prazo de quince días hábiles con anuncios no Diario Oficial de Galicia, BOP, Faro de Vigo e taboleiro de anuncios da Casa do Concello, con notificación persoal ós propietarios do ámbito.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

De non presentarse ningunha alegación na exposición pública, o proxecto, automaticamente, considerarase aprobado definitivamente, sempre que non se produzan alegacións á aprobación inicial do estudio de detalle.

O que se fai público para xeral coñecemento, significando que a documentación se atopa na oficina municipal de información para exame e alegacións.

Vigo, 30 de marzo de 1995.

Carlos A. González Príncipe

Alcalde