De conformidade co disposto no artigo 14º a), do Regulamento de procedemento para a designación dos membros dos órganos de gobemo da Caixa de Aforros Provincial de Ourense, fáise público que,
entre as 10 e as 16 horas do próximo día 21 de abril, celebrarase no salón de sesións da entidade (Rúa do Paseo, 6, Ourense), o acto de votación para elixir a 16 conselleiros xerais, representantes dos depositantes da caixa na súa asemblea xeral, segundo acordo adoptado pola comisión electoral na súa sesión de data 3 de abril de 1995.
A relación nominal de compromisarios permanecerá exposta nas oficinas da caixa, ata o día da votación.
A relación aterase ás normas do Regulamento de procedemento para a designación dos membros dos órganos de goberno da caixa.
En especial deberán ser tidas en conta as seguintes regras:
1ª. Cada compromisario votante poderá elixir a calquera dos compromisarios incluídos na relación nominal correspondente á súa circunscrición electoral.
Nos espacios destinados para tal efecto da papeleta de votación, os votantes da circunscrición electoral da provincia de Ourense escribirán os nomes e apelidos de 15 compromisarios, como máximo, da súa propia circunscrición ós que elixan para acceder ó cargo de conselleiro xeral; os da circunscrición de Pontevedra escribirán unicamente un nome dos incluídos na respectiva circunscrición.
2ª. Tanto as papeletas coma os sobres a utilizar na votación, confeccionados segundo o modelo previamente aprobado, estarán á disposición dos compromisarios no local onde se realice a votación.
3ª. A votación será persoal e secreta.
4ª. O dereito a votar nace unicamente da inscrición na relación nominativa de compromisarios.
O votante acreditará a súa personalidade exihibindo o seu DNI ou calquera outro documento que faga fe.
5ª. Consideraranse nulas as seguintes papeletas:
-As que figuren por duplicado nun mesmo sobre.
-As que estean en branco.
-As inintelixibles a xuízo da mesa. Se existisen dúbidas sobre a identificación dalgún nome, anularase o voto correspondente ó mesmo, considerándose válidos os restantes da papeleta. Igual criterio se aplicará cando figure algún nome non incluído na relación nominal de compromisarios, ou que pertenza a circunscrición distinta do votante.
6ª. Calquera compromisario, a título exclusivamente persoal, poderá, ata o momento da votación, dirixirse ós restantes compromisarios, expoñendo as súas circunstancias e programa. Para estes efectos, a entidade facilitará a difusión dos impresos subministrados polo compromisario, poñendo exemplares suficientes do mesmo á disposición dos restantes compromisarios nos locales da entidade, ata o momento en que empece a votación.
Ourense, 3 de abril de 1995.
David Ferrer Garrido
Presidente da Caixa de Aforros Provincial de
Ourense
Presidente da Comisión Electoral