Esta secretaría xeral, unha vez cumpridos os trámites administrativos correspondentes, resolveu anuncia-lo concurso para a contratación directa da seguinte asistencia técnica:
Obxecto do contrato: asistencia técnica para a realización e desenvolvemento do programa Rotas dos Encoros-95.
Orzamento: 4.250 ptas./praza para o Programa I. 2.900 ptas./praza para o Programa II, rapaces menores de 14 anos. 3.100 ptas./praza para o Programa II, rapaces maiores de 14 anos.
Prazo de execución: do 1 de maio ó 30 de setembro de 1995.
O prego de cláusulas administrativas e o de prescricións técnicas estarán á disposición dos interesados nas dependencias da Consellería de Familia, Muller e Xuventude, Dirección Xeral de Xuventude, edificio administrativo de San Caetano, bloque 3º, 1º piso, Santiago de Compostela.
As proposicións presentaranse segundo modelo oficial no rexistro xeral da Consellería de Familia, Muller e Xuventude ou no xeito que dispón o artigo 100 do Regulamento xeral de contratos do Estado, no prazo dos dez (10) días naturais seguintes ó da publicación deste anuncio no Diario Oficial de Galicia.
O importe deste anuncio será por conta do adxudicatario.
Santiago de Compostela, 28 de marzo de 1995.
Javier Batán Rodríguez
Secretario xeral da Consellería de Familia, Muller
e Xuventude