En cumprimento do ordenado no artigo 52 da Lei de expropiación forzosa en relación co nº 6 do artigo 31 do regulamento da Lei 10/1966, do 18 de marzo, sobre expropiación forzosa, e sancións en materia de instalacións eléctricas, aprobado polo Decreto 2.619/1966, de 20 de outubro, fáiselles saber, en resumo, a tódolos interesados afectados pola exe
cución do proxecto de referencia, do que foi outorgada a urxente ocupación polo Decreto 43/1995, do 3-2-95, DOG nº 32, do 15-2-95, que o día 5-4-95, a partir das 11 horas darase comezo o levantamento sobre o terreo polo representante da Administración das actas previas a ocupación correspondentes ós predios situados no concello de Salvaterra de Miño, sinalados cos números que en folla adxunta se detallan, previndo os ditos interesados na respectiva notificación individual, que mediante cédula se lles practicará, coa debida anticipación legal, o día e hora en que para cada un terá lugar a dita dilixencia, e prevíndoos tamén de que nos ditos actos poderán facerse acompañar dos seus peritos ou dun notario, pola súa custa, se así o estimasen conveniente.
A relación será fixada no taboleiro de anuncios do Concello e nos desta delegación.
Vigo, 22 de febreiro de 1995.
Ramón Álvarez Abad
Delegado provincial de Pontevedra