De conformidade coa proposta elevada pola comisión designada para xulga-lo concurso, convocado por resolución desta universidade, do 21 de marzo de 1994 (BOE do 12 de abril) para a provisión da praza número 94/003 de catedrático de universidade da área de coñecemento de química física, do departamento de Química Fundamental e Industrial, a favor de Manuel Esteban Sastre de Vicente, e unha vez acreditados polo interesado os requisitos a que alude o apartado 2 do art. 5º do Real decreto 1.888/1984, do 26 de setembro,

Este rectorado, en uso das atribucións conferidas polo art. 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Manuel Esteban Sastre de Vicente catedrático de universidade da área de coñecemento de química física, do departamento de Química Fundamental e Industrial, desta universidade.

A Coruña, 21 de febreiro de 1995.

José Luis Meilán Gil

Rector da Universidade da Coruña