Visto o expediente incoado pola empresa Unión Eléctrica-Fenosa, S.A., con enderezo na r/ Severo Ochoa, nº 2, 15008 A Coruña, para a autorización administrativa, declaración de utilidade pública e aprobación do proxecto de execución da instalación que segue:

Liña eléctrica aérea de media tensión, a 20 kV, sobre apoios de formigón e con conductor LA-110, de 5.925 m de lonxitude, con orixe en apoio nº 2 da liña subestación Melide-C.T. Santa María (expediente 52.672) e remate na liña Cazallas-Melide-Leboreiro (expediente 52.058). Melide.

Cumpridos os trámites ordenados nos capítulos III e IV dos decretos 2.617 e 2.619/1966, do 20 de outubro, sobre autorización e expropiación forzosa de instalacións eléctricas, esta delegación provincial resolveu:

Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 16 de febreiro de 1995.

Juan I. Lizaur Otero

Delegado provincial da Coruña