Por Orde do 6 de maio de 1992 (DOG nº 88, do día 11) regúlase o diploma de inspección de servicios, no que se establece que para o desempeño dos postos de traballo de inspectores e subinspectores da Inspección Xeral de Servicios da Consellería da Presidencia e Administración Pública, será requisito necesario estar en posesión do diploma de inspección de servicios expedido pola Escola Galega de Administración Pública.
Segundo dispón o artigo 2 da citada orde será preciso seguir con resultado favorable o curso que periodicamente convoque para tal efecto a Escola Galega de Administración Pública, engadindo o artigo 5 que o director do curso será nomeado polo director xeral da Inspección Xeral de Servicios.
Convocado por Resolución do 9 de xaneiro de 1995 (DOG nº 12, do 18) o terceiro curso para a obtención do diploma de inspección de servicios da Xunta de Galicia.
RESOLVO:
Nomear director do terceiro curso para a obtención
do diploma de inspección de servicios a Luis Echevarría Ariznabarreta.
Santiago de Compostela, 16 de marzo de 1995.
Jaime Bouzada Romero
Inspector xeral de Servicios