A Dirección Xerencia do complexo hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7º f) da orde da Consellería de Sanidade y Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso público:

I. Obxecto.-Contratación do servicio de cafetería-comedor do complexo hospitalario, coa execución previa por conta do adxudicatario das obras de remodelación e acondicionamento do edificio no que irá instalado, e de conformidade coas condicións previas e básicas fixadas pola Administración.

II. Prazo de execución.-O prazo máximo de execución das obras de remodelación establécese en sete meses (7 meses), contados desde o momento da adxudicación definitiva.

III. Fianza provisional.-Dous millóns seiscentas corenta mil pesetas (2.640.000 ptas.)

IV. Duración do contrato.-O prazo máximo de duración do contrato fíxase en 20 anos, prorrogables de mediar acordo mutuo das partes.

V. Documentos de interese para os licitadores.-O prego de cláusulas administrativas particulares e demais documentación complementaria pódense solicitar na Sección de Contratación Administrativa do complexo hospitalario Xeral-Cíes, rúa Pizarro, 22, 36204 Vigo, en días laborais desde as 9 ata as 14.30 horas no teléfono (986) 81 60 28 e fax (986) 81 60 29.

VI. Presentación de proposicións.-As proposicións, asinadas polo licitador ou persoa que o represente, deberanse presentar en man, en sobres pechados e lacrados, no rexistro xeral do complexo hospitalario Xeral-Cíes, antes das 13 horas do vixésimo día hábil contado a partir do seguinte ó da publicación desta resolución no DOG, ou por correo do xeito indicado no artigo 100 do RXCE.

VII. Apertura de proposicións.-A apertura das proposicións admitidas será realizada pola mesa de contratación, reunida en acto público, na sala de xuntas do Hospital Xeral ás 10 horas do décimo primeiro día natural contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

VIII. Documentación que deberán aporta-los licitadores.-Os documentos que figuran no prego de cláusulas administrativas particulares.

IX. Anuncios.-Os anuncios do presente concurso público serán por conta do adxudicatario do contrato.

Vigo, 15 de febreiro, de 1995.

Juan José Equiza Escudero

Director xerente do Complexo Hospitalario

Xeral-Cíes de Vigo