De conformidade co disposto no artigo 31 do Regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2.619/1966, do 20 de outubro, sométese a información pública a solicitude de Unión Eléctrica-Fenosa, S.A., co enderezo na r/ Fernando Macías, 2, 15004 A Coruña, de declaración de urxente ocupación para a expropiación forzosa e imposición de servidumes de paso, sobre os bens e dereitos que se afectan pola instalación da liña eléctrica a 66 kV desde a subestación de Zarzo á de Aranga, nos concellos de Paderne, Coirós e Aranga (Expediente nº 52.547).

A declaración de utilidade pública, en concreto, da devandita instalación, que foi outorgada por resolución do 15 de febreiro de 1993, leva implícita en todo caso, a necesidade de ocupación dos bens ou adquisicións dos dereitos afectados, así como a imposición da servidume de paso de enerxía eléctrica, segundo o artigo 14.1 do Decreto 2.619/1966.

En consecuencia, calquera persoa dentro dos quince días seguintes ós da última publicación deste anuncio que se inserirá no Diario Oficial de Galicia, no Boletín Oficial da Provincia, e no xornal El Ideal Gallego, e os interesados propostos como titulares dos predios afectados contidos nas adxuntas relacións, ós que se lles practicará notificación individual, cos que non foi posible o mutuo acordo, en igual prazo, conforme o artigo 16 do Decreto 2.619/1966, poderán aportar por escrito os datos oportunos para rectificar posibles erros das devanditas relacións, así como formula-las alegacións en razón do disposto nos artigos 25 e 26 do Decreto, para tal efecto estará exposto o expediente cos planos de situación e parcelario das instalacións nesta delegación, sita no edificio administrativo Monelos, 15071 A Coruña, en horas de oficina.

Cando os interesados neste procedemento sexan descoñecidos, se ignore o lugar da notificación ou medio que permita ter constancia da recepción, a notificación farase conforme o artigo 59.4 da Lei de réxime xurídico das Administracións públicas e do procedemento administrativo común (Lei 30/1992, do 26 de novembro).

En todo caso, os propietarios afectados, poderán solicitar a través deste organismo expropiante que o peticionario lles facilite os demais datos que consideren precisos para a identificación dos seus bens, segundo o artigo 15 do Decreto 2.619/1966.

A Coruña, 21 de febreiro de 1995.

Manuel Estévez Mengotti

Delegado provincial da Coruña en funcións