Para os efectos previdos no artigo 9 do Decreto 2.617/1966, do 20 de outubro, sométese a información pública a petición de instalación dunha L.M.T., C.T. e R.B.T., que ten as seguintes características especiais:

Peticionario: Unión Fenosa.

Lugar no que se vai establece-la instalación: desde a L.M.T. ás CC.TT. de Baiona, Virxe da Rocha e outros, ata o C.T. que se proxecta en Finca do Inglés, concello de Baiona.

Finalidade da instalación: mellora-la subministración eléctrica na zona.

Características principais: L.M.T., aéreo-soterrada, a 20 kV, sendo a aérea de 120 m de lonxitude e conductores tipo LA-56, e a soterrada de 25 m de lonxitude, con conductores tipo RHV. C.T. de 250 kVA, relación de transformación 20 kV-398/230 V. R.B.T., soterrada, de 60 m de lonxitude con conductor tipo Al 1x240.

Orzamento: 4.606.146 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 8 de febreiro de 1995.

Ramón Álvarez Abad

Delegado provincial de Pontevedra