En virtude do ordenado pola maxistrada do Xulgado de Primeira Instancia e Instrucción número catro de Santiago de Compostela, Rosa del Carmen
Collazo Lugo, nos autos de xuízo de faltas núm. 504/1994 que se seguen por lesións en accidente de tráfico, cítase a María del Carmen Martínez Ferreiro, actualmente en paradoiro descoñecido, en calidade de denunciante-denunciada, para que o vindeiro día vintedous de marzo ás dez horas e dez minutos asista á vista do correspondente xuízo de faltas, que terá lugar na sala de audiencias do Xulgado de Primeira Instancia e Instrucción número tres desta cidade, na planta baixa do Pazo de Xustiza, rúa da Algalia de Abaixo núm. 24, facéndolle saber que poderá ser asistida de avogado, e advertíndoa de que deberá comparecer cos medios de proba de que intente valerse, e que se non o verifica recaerán sobre ela os prexuízos a que haxa lugar en dereito.
Santiago de Compostela, dez de marzo de mil novecentos noventa e cinco.
O secretario
Rubricado