Aprobado por este concello, en sesión plenaria celebrada o día vintetrés de febreiro, o prego de

condicións económico-administrativas que rexerá na contratación das obras de saneamento e abastecemento en Corneira, exponse ó público por un prazo de oito días, para o seu exame e presentación de reclamacións.

Ó mesmo tempo convócase poxa, polo procedemento de urxencia, para a adxudicación destas obras, de conformidade co disposto no artigo 122 e 116 do Real decreto lexislativo 781/1986, do 18 de abril, e con suxeición ó dito prego, se ben a licitación será aprazada cando resulte preciso, no suposto de que sexan formuladas reclamacións contra o prego de condicións.

Obxecto.-O presente contrato ten obxecto a execución da obra denominada saneamento e abastecemento en Corneira, comprendida no proxecto redactado polo enxeñeiro técnico de obras públicas Jesús Iglesias Iglesias, documentos estes aprobados pola corporación.

Tipo de licitación.-Sinálase como tipo de licitación a cantidade de dez millóns trescentas cincuenta e unha mil cincocentas noventa e dúas pesetas (10.351.592) que é o importe do proxecto, e no que vai incluído o do imposto sobre o valor engadido; os licitadores poderán realiza-la mellora mediante baixa respecto a el.

Garantía.-Provisional.-Para tomar parte na contratación, o licitador haberá de constituír na caixa da corporación unha fianza provisional equivalente ó 2 por 100 do tipo de licitación.-A fianza definitiva será equivalente ó 4 por 100 da adxudicación.

Prazo de execución.-O prazo de execución do contrato será de tres meses, contados a partir do día seguinte ó da sinatura da acta de comprobación do replanteo e o prazo de garantía será de un ano a partir do día de recepción provisional das obras.

Presentación de proposicións.-As proposicións e documentación para tomar parte na licitación, presentaranse no rexistro xeral deste concello, dentro do prazo de dez días hábiles, contados a partir do día seguinte ó da última publicación do anuncio no Boletín Oficial da provincia e no Diario Oficial de Galicia, en horas de oficina, desde as 9 ás 14 horas.

As proposicións deberán ser presentadas en dous sobres pechados nos que figurará a lenda Proposición para tomar parte na contratación por poxa das obras de saneamento e abastecemento en Corneira. As proposicións deben axustarse ó modelo que se xunta no prego de condicións.

Apertura de plicas.-No salón de sesións da Casa do Concello, ás doce horas do día hábil seguinte a aquel en que remate o prazo de presentación de plicas.

Leiro, 24 de febreiro de 1995.

Abelardo Reinoso Riande

Alcalde