Aprobado inicialmente polo Concello Pleno, con data 30 de novembro de 1994, o estudio de detalle edificio rúa Areal, 15, esquina rúa Pontevedra (3110/411), redactado por Jorge Alonso de la Fuente e visado polo COAG con data 8 de xuño de 1994, coa seguinte observación:

-Deberá especificar con todo detalle os materiais e o tratamento de paramentos, carpintería e acristalamento da nova edificación:

Sométese a información pública, polo prazo de quince días hábiles con anuncios no Diario Oficial de Galicia, Boletín Oficial da provincia, Faro de Vigo e taboleiro de anuncios da casa do concello, así como notificación persoal ós propietarios e restantes interesados directamente afectados.

Así mesmo, o devandito acordo sinala como área afectada pola suspensión de licencias de parcelación edificación e demolición a abranguida polo seu ámbito, cos límites seguintes:

Norte: Rúa Areal.

Sur: Rúa Pontevedra.

Leste: Rúa Areal, 14.

Oeste: Rúa Pontevedra.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na Oficina Municipal de Información para exame e alegacións.

Vigo, 5 de xaneiro de 1995.

Carlos A. González Príncipe

Alcalde