O Pleno do Concello de Santiago de Compostela, en sesión extraordinaria do día trece de febreiro de l995 acordou inicia-lo expediente de expropiación forzosa, con ocupación urxente, dos bens necesarios para a execución do proxecto técnico de pavimentación do acceso ó Hospital Provincial.

En cumprimento do disposto no artigo 56 do Regulamento de expropiación forzosa, o Concello expón ó público o referido proxecto de expropiación, co fin de que, no prazo dos quince días que seguen á publicación desta anuncio no Boletín Oficial da provincia, no Diario Oficial de Galicia e na prensa local, os interesados poidan formula-las alegacións que coiden oportunas.

O presente edicto servirá de notificación, nos termos do artigo 59 da Lei de réxime xurídico das Administracións públicas e do procedemento administrativo común, a tódolos afectados que, por resultar descoñecidos ou ignorándose o seu domicilio, non poidan ser citados persoalmente ó trámite de información pública.

Xúntase relación de bens afectados.

Santiago de Compostela, 21 de febreiro de 1995.

P.D.

Pedro Antonio Fernández Fernández

Concelleiro-delegado de Urbanismo