A Comisión de Goberno da Deputación Provincial de Lugo, en sesión celebrada o día 25 de novembro de 1994, aprobou o proxecto «36 RVL Sober, mellora e alargamento do C.P. Sober-Arxemil-ó pé do Cotarro do Castro, 1ª e 2ª fases» e na sesión celebrada o día 26 de decembro de 1994, o Pleno da corporación provincial aprobou a documentación complementaria do proxecto sinalado e acordou solicitar da Xunta
de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Os bens nos que se concreta a declaración de urxente ocupación están determinados no expediente que se sometou a información pública.
A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o dia 20 de febreiro de 1995.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado por tratarse de obras de grande interese provincial e estar incluídas no Plan de Obras e Servicios correspondente a 1994.
A competencia para a declaración da urxente ocupación corresponde ó Consello da Xunta de Galicia segundo o disposto nos artigos 27.2 e 28.2 do Estatuto de autonomía de Galicia.
Na súa virtude e por proposta do conselleiro de Xustiza, Interior e Relacións Laborais e logo de deliberación do Consello da Xunta de Galicia na súa reunión do día vintecatro de febreiro de mil novecentos noventa e cinco,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, pola Deputación Provincial de Lugo, para efectos de expropiación, forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto «36 RVL Sober, mellora e alargamento do C.P. Sober-Arxemil-ó pé do Cotarro do Castro, 1ª e 2ª fases.»
Santiago de Compostela, vintecatro de febreiro de mil novecentos noventa e cinco.
Manuel Fraga Iribarne
Presidente
Juan Miguel Diz Guedes
Conselleiro de Xustiza, Interior e Relacións Laborais