A Dirección Xerencia do complexo hospitalario Cristal-Piñor, en virtude das atribucións que lle foron delegadas conforme o establecido na orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso público para a contratación, polo procedemento de urxencia, do servicio de unificación de toda a documentación médica existente no complexo hospitalario Cristal-Piñor e no hospital Santa María Madre, e posterior almacenaxe nos locais sitos no complexo hospitalario Cristal-Piñor.

1.-Obxecto e orzamento: a contratación do servicio de unificación de toda a documentación médica existente no complexo hospitalario Cristal-Piñor e no hospital Santa María Madre, e posterior almacenaxe nos locais sitos no complexo hospitalario Cristal-Piñor de Ourense. O orzamento para esta contratación fíxase en corenta e cinco millóns novecentas sesenta mil pesetas (45.960.000 ptas.), IVE incluído.

II.-Clasificación dos contratistas: grupo III, subgrupo 8, categoría B.

III.-Prazo de execución: o servicio obxecto do presente concurso público será realizado no prazo máximo de doce meses, contados desde a data de formalización do contrato.

IV.-Documentos de interese para os licitadores: o prego de cláusulas administrativas particulares e demais documentación complementaria pode ser

solicitada no Servicio de Compras do complexo hospitalario Cristal-Piñor, rúa Ramón Puga, 52, Ourense, en días laborais desde as 9 ata as 13 horas.

V.-Fianza provisional: o 2% do orzamento de licitación, segundo o disposto no art. 112 da L.C.E. e 340 do seu Regulamento.

Fianza definitiva: o 4% do orzamento adxudicado.

VI.-Presentación de proposicións: as proposicións deberanse presentar en man en sobres pechados e asinados polo licitador ou persoa que o represente, no rexistro xeral do complexo hospilatario, antes das 13 horas do décimo quinto día hábil contado desde o seguinte ó da publicación desta resolución no DOG, ou por correo na forma sinalada no art. 100 do R.X.C.E.

VII.-Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas anexa á Dirección Xerencia do complexo hospitalario ás 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.

VIII.-Documentación que deberán achega-los licitadores: os documentos sinalados no prego de cláusulas administrativas.

IX.-Anuncios: os anuncios do presente concurso público correrán por conta do adxudicatario do contrato.

Ourense, 16 de febreiro de 1995.

F. Javier Ayape Amigot

Director xerente do complexo hospitalario

Cristal-Piñor