Cumpridos os trámites regulamentarios no correspondente expediente administrativo, o Instituto Galego da Vivenda e Solo anuncia a contratación, polo sistema de concurso aberto, da seguinte obra:
-Obxecto: construcción de 10 vivendas unifamiliares adosadas en Crecente, Pontevedra.
-Orzamento: 86.169.973 pesetas.
-Sistema de adxudicación: concurso aberto.
-Prazo de execución: 18 meses.
-Fianza provisional: dispensada en aplicación do R.d. 1.883/1979, do 1 de xuño.
-Fianza definitiva: 3.446.799 pesetas.
-Clasificación esixida: C-2.
-Categoría do contrato: c.
-Documentos de interese para os licitadores: o prego de cláusulas administrativas particulares, así como o prego de prescricións técnicas que rexerán a contratación estarán de manifesto e a disposición dos concursantes para o seu exame durante o prazo de presentación de proposicións na Dirección Xeral do Instituto Galego da Vivenda e Solo, na Área Central do polígono das Fontiñas en Santiago de Compostela, das 9 ás 14 horas de luns a venres.
-Modelo de proposición: proposición económica, formulada estrictamente conforme ó modelo que se xunta no anexo número 1 do prego de cláusulas administrativas particulares.
-Prazo de presentación: as proposicións presentaranse no Rexistro Xeral do Instituto Galego da Vivenda e Solo antes das 14 horas do vixésimo día hábil, que non coincida en sábado, seguinte ó da publicación deste anuncio no Diario Oficial de Galicia.
-Apertura de proposicións: a mesa de contratación reunirase en sesión pública ás 10 horas do décimo día natural, contado a partir do último día de presentación de proposicións, na Sala de Xuntas do Instituto Galego da Vivenda e Solo. De coincidir en sábado ou festivo a mesa reunirase o primeiro día hábil seguinte.
-Documentos que deben aporta-los licitadores: serán os indicados na cláusula 3ª do prego de cláusulas administrativas particulares.
O importe do presente anuncio será por conta do adxudicatario.
Santiago de Compostela, 24 de febreiro de 1995.
P.D. (Resolución 16-12-1993)
José Antonio Gil Sotres
Director xeral do Instituto Galego
da Vivenda e Solo
