A Escola Galega de Administración Pública convocou por Resolución do 29 de novembro de 1994 (DOG nº 4, do 5 de xaneiro de 1995) dúas bolsas de linguaxe administrativa inglesa.

O tribunal cualificador para a adxudicación destas bolsas, na súa reunión do 10 de febreiro de 1995, baremou tódalas solicitudes e propuxo a adxudicación en favor das dúas candidatas que obtiveron maior puntuación.

De conformidade coas competencias que me recoñece a normativa vixente e á vista da proposta do tribunal, resolvo outorgárlle-las ditas bolsas a Mª de la Concepción Díaz-Fierros Tabernero e María Rosa Alonso Alonso, que obtiveron 12,38 e 11,56 puntos, respectivamente.

Contra esta resolución cabe interpoñer no prazo de un mes recurso ordinario ante o conselleiro da Presidencia e Administración Pública da Xunta de Galicia (art. 114.2 da Lei 30/1992, do 26 de novembro), sen prexuízo da formulación do recurso contencioso-administrativo contra a resolución do devandito recurso ordinario.

Santiago de Compostela, 20 de febreiro de 1995.

Jaime Rodríguez-Arana Muñoz

Director da Escola Galega de Administración

Pública