O de Concello de Ribas de Sil (Lugo), en sesión celebrada o día 27 de setembro de 1994, aprobou o proxecto de abastecemento de auga ós núcleos de San Clodio, Barreiro, Nogueira e Rairos e na mesma sesión acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa. O concello remitiu a documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Relacións Laborais o día 3 de febreiro de 1995 baixo o número 900.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 13 de febreiro de 1995 baixo o número 1.284.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, por tratarse dunha dotación pública obrigatoria, tal e como se recolle no artigo 26.1 da Lei 7/1985, do 2 de abril, e pola necesidade de remata-las obras no prazo dun ano, concedido para o efecto pola Confederación Hidrográfica do Norte.
A competencia para a declaración da urxente ocupación corresponde ó Consello da Xunta de Galicia segundo o disposto nos artigos 27.2 e 28.2 do Estatuto de autonomía de Galicia.
Na súa virtude e por proposta do Conselleiro de Xustiza, Interior e Relacións Laborais, logo de deliberación do Consello da Xunta de Galicia na súa
xuntanza do día vintecatro de febreiro de mil novecentos noventa e cinco.
DISPOÑO:
Artigo único.-De conformidade co disposto no artigo 52 da Lei de expropiación forzosa, decláras e a urxente ocupación, polo Concello de Ribas de Sil (Lugo), para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto de abastecemento de auga ós núcleos de San Clodio, Barreiro, Nogueira e Rairos.
Santiago de Compostela, vintecatro de febreiro de mil novecentos noventa e cinco.
Manuel Fraga Irigarne
Presidente
Juan Miguel Diz Guedes
Conselleiro de Xustiza, Interior e Relacións
Laborais