De conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanse os aumentos de base impoñible que resultan da comprobación de valores efectuada polo Servicio de Xestión Tributaria en aplicación do artigo 46 do Real decreto lexislativo 1/1993, do 24 de setembro, polo que se aproba o texto refundido da Lei do imposto de transmisións patrimoniais e actos xurídicos documentados, e que

afectan ós contribuíntes cos datos e último domicilio coñecido o que se sinala.

A diferencia de valor respecto do declarado resulta de utiliza-los medios de comprobación previstos no artigo 52 da Lei xeral tributaria, sendo de aplicación o artigo 14.7 do citado texto refundido da Lei do imposto sobre t.p. e AXD.

Contra a presente notificación poderá interpoñe-los seguintes recursos: reclamación económico-administrativa ante o Tribunal Rexional de Galicia, Secretaría Delegada de Vigo, r/ Lalín nº 2, ou o de reposición ante o Servicio de Xestión Tributaria desta delegación territorial, praza de Compostela nº 26, Vigo, ambos no prazo de quince días contados desde o seguinte á data de publicación desta cédula. Así mesmo, é no mesmo prazo, de non estar conformes coa valoración efectuada, poderá solicita-la práctica de taxación pericial contradictoria. Se se interpón a reclamación económico-administrativa, deberá xustificalo ante esta oficina liquidadora, de non facelo así cursarase a liquidación sobre o valor comprobado segundo o artigo 63 do regulamento do imposto.

Vigo, 7 de febreiro de 1995.

Pedro J. Arbolí Albarracín

Delegado territorial de Vigo (Pontevedra)