0 artigo 28.2º da Constitución española recoñece o dereito de folga dos traballadores para a defensa dos seus intereses, aínda que limite o seu exercicio para garanti-lo mantemento dos servicios esenciais da comunidade.
0 Decreto 155/1988, do 9 de xullo, no seu artigo 3 faculta o conselleiro competente por razón dos servicios esenciais afectados para que, mediante orde, e ante unha situación de folga, decida o mínimo de actividade necesaria para asegura-lo mantemento dos servicios, así como para determina-lo persoal preciso para a súa prestación.
Por esta razón, cómpre a determinación de servicios mínimos ó ter carácter esencial os de mantemento de bens de utilidade pública, tal como recoñece o propio Decreto 155/1988, do 9 de xullo, da Xunta de Galicia, e, convocada a folga para os días 5 e 12 de marzo, no centro de traballo de Endesa nas Pontes de García Rodríguez, esta consellería, escoitado o comité de folga, e en virtude das competencias que lle atribúe o mencionado decreto e demais disposicións de aplicación,
DISPÓN:
Artigo 1º-Os servicios mínimos de persoal mentres dure a folga anunciada para os días 5 e 12 de marzo do presente ano no centro industrial Endesa nas Pontes de García Rodríguez, serán os seguintes:
Servicios xerais de zona:
Requirirase a súa presencia nas instalacións e conseguinte intervención, no caso de que se produza unha emerxencia.
No caso de producirse avaría ou incidente a dirección e o comité de folga comprométense a reunirse co fin de acorda-lo persoal para a correspondente reparación.
Artigo 2º-0 incumprimento desta obriga de mante-los servicios mínimos fixados na presente orde será sancionado de conformidade coa lexislación vixente aplicable.
Artigo 3º-A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 1 de marzo de 1995.
Antonio Couceiro Méndez
Conselleiro de Industria e Comercio