Faise público, nos termos e para os efectos definidos no art. 114 do texto refundido da lei sobre o réxime do solo e do ordenamento urbanístico, que o Plenario municipal, en reunión do 3 de febreiro de 1995, acordou aprobar inicialmente a proposta da Presidencia relativa á modificación puntual do Plan Xeral de Ordenamento Urbano, consistente en darlle nova redacción ó parágrafo 3.4.3, sobre núcleos rurais, deixándoo como segue:

«Nos núcleos rurais os permisos para edificar serán concedidos, en conformidade co disposto no art. 42 da LASGA, ata un número máximo equivalente ó 50% dos edificios preexistentes no núcleo, debendo procederse seguidamente a delimita-lo solo urbano conforme a normativa vixente.»

O expediente estará de manifesto ó público durante o prazo de un mes contado desde o día seguinte a aquel en que este anuncio apareza publicado no Diario Oficial de Galicia, para os efectos de que poida ser examinado e, se é o caso, alegado polos interesados.

Xinzo de Limia, 20 de febreiro de 1995.

O presidente

Rubricado