Aprobada inicialmente polo Pleno da Corporación, en sesión extraordinaria celebrada o 17 de xaneiro de 1995, a revisión das normas subsidiarias de planeamento municipal, sométese a información pública por prazo de un mes, que se contará a partir do día seguinte ó de publicación última do presente anuncio no Diario Oficial de Galicia, Boletín Oficial da provincia ou diario La Voz de Galicia. Durante este tempo poderase examina-lo expediente por calquera que o desexe e formula-las alegacións, suxestións ou observacións que considere pertinentes.
Así mesmo, de acordo co estipulado no artigo 102 do texto refundido da Lei do solo, aprobado por Real decreto lexislativo 1/1992, do 26 de xuño, mantense a suspensión potestativa acordada polo Pleno desta Corporación de data 25 de marzo de 1994 (BOP núm. 82, do 13 de abril de 1994), ata transcorridos dous anos desde o devandito acordo de suspensión, para as seguintes áreas do termo municipal:
A.-Solo urbano: PERI, s.
B.-Solo apto para urbanizar: SAU, s.
C.-Solo non urbanizable: todos.
Respecto ás demais áreas do territorio municipal con novas determinacións que supoñan modificación do réxime urbanístico vixente (que son tódalas demais áreas do municipio non expresadas anteriormente) queda suspendido o outorgamento de licencias por prazo máximo de dous anos.
A suspensión afectará a tódalas licencias comprendidas nos artigos 242 do R.d.l 1/1992 e 1 do Regulamento de disciplina urbanística, agás as seguintes:
-Licencias de primeira ocupación.
-Licencias para sinxelas obras de reforma interior que non impliquen unha reedificación do inmoble nin supoñan aumento do volume edificado.
-As demolicións en caso de ruína inminente.
Non obstante, ó abeiro do artigo 120 do Regulamento de planeamento urbanístico poderanse con
ceder licencias baseadas no réxime vixente, sempre que se respecten as determinacións do novo planeamento.
En calquera caso, a suspensión extinguirase coa aprobación definitiva do planeamento.
Mugardos, 20 de febreiro de 1995.
Ramón Toimil Saavedra
Alcalde