Faise saber a tódolos propietarios dos predios contidos nos expedientes de expropiación forzosa e imposición de servidume de paso sobre bens e dereitos afectados polas instalacións de reforma de liña eléctrica a 15/20 kV ó centro de transformación en Barrañán (expediente número 19.726), e liñas eléctricas a 15/20 kV e centros de transformación en Cornide e Arigada (expediente número 51.722), dos que é beneficiaria a entidade Unión Eléctrica-Fenosa, S.A., con domicilio na r/ Fernando Macías nº 2, 15004 A Coruña, que o día 27 de abril de 1995, ás 11.30 e 13 horas, procederase nas casas consistoriais de Arteixo e Cambre, respectivamente, ós pagos do prezo xusto segundo resolucións dictadas polo Xurado Provincial de Expropiación, advertindo os propietarios dos predios, que serán notificados individualmente, que os pagos se realizarán de conformidade cos artigos 48, 49 e 50 da Lei de expropiación forzosa do 16 de decembro de 1954, e 48, 49, 50 e 51 do seu regulamento do 26 de abril de

1957.

As relacións dos predios ós que proceden os pagamentos expóñense xunto con este anuncio nos taboleiros oficiais desta delegación e dos concellos a que correspondan.

A Coruña, 7 de febreiro de 1995.

Juan I. Lizaur Otero

Delegado provincial da Coruña