DOG 43 do 02/03/1995 - RESOLUCIÓN do 8 de febreiro de 1995, da Secretaría Xeral para a Protección Civil e o Medio Ambiente, pola que se anuncia a licitación, polo sistema de concurso público, pola vía de urxencia, para a contratación do servicio de operadores/as de radio-teléfono para SOS-Galicia.

VI. ANUNCIOS

DA ADMINISTRACIÓN AUTONÓMICA

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 8 de febreiro de 1995, da Secretaría Xeral para a Protección Civil e o Medio Ambiente, pola que se anuncia a licitación, polo sistema de concurso público, pola vía de urxencia, para a contratación do servicio de operadores/as de radio-teléfono para SOS-Galicia.

1.-Obxecto do contrato: a prestación do servicio de operadores/as de radio-teléfono para SOS-Galicia (Santiago de Compostela e as catro provincias), por un orzamento de contrato de 88.272.000 pesetas, IVE incluído.

2.-Duración da prestación do servicio: será de un ano, comprendido entre o 1 de abril de 1995 e o 31 de marzo de 1996.

3.-Dispoñibilidade da documentación: o prego de cláusulas administrativas particulares, económicas e técnicas, estará a disposición dos licitadores para o seu exame durante o prazo de presentación de proposicións, nos días e horas hábiles de oficina, na Secretaría Xeral para a Protección Civil e o Medio Ambiente, rúa de Algalia de Arriba, 31, Santiago de Compostela.

4.-Clasificación esixida: grupo III, subgrupo 3, categoría C.

5.-Fianza provisional: o 2% do orzamento fixado constituirase segundo o disposto no artigo 340 do Regulamento xeral de contratación do Estado.

6.-Presentación e apertura de proposicións: as proposicións deberán presentarse no Rexistro Xeral da Xunta de Galicia, edificio administrativa de San Caetano, Santiago de Compostela, antes das catorce horas do día en que se cumpran 15 días hábiles, contados desde o seguinte ó da publicación deste concurso no Diario Oficial de Galicia. No caso de utilizar calquera dos medios previstos no artigo 38.4 da Lei de réxime xurídico das administracións públicas e do procedemento administrativo común, remitirase un télex ou telegrama ó servicio indicado no

parágrafo 3º, no que se comunique a presentación da oferta (artigo 100 do Regulamento xeral de contratación do Estado).

A apertura das proposicións admitidas será realizada pola mesa de contratación, en acto público, que terá lugar nunha das salas da Consellería da Presidencia e Administración Pública, edificios administrativos de San Caetano, Santiago de Compostela, ás 12 horas do primeiro día hábil, que non coincida en sábado, transcorridos cinco días naturais contados a partir do seguinte ó da finalización do prazo de presentación de proposicións.

O importe deste anuncio correrá por conta do adxudicatario.

Santiago de Compostela, 8 de febreiro de 1995.

José Luis Aboal García-Tuñón

Secretario xeral para a Protección Civil

e o Medio Ambiente