En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos neste, faise público que, no correspondente servicio desta dirección xeral, foron depositados a acta de constitución e os estatutos da Asociación de Xestión de Explotacións Agrarias Río Tambre que ten os seguintes ámbitos:
Territorial: Comunidade Autónoma de Galicia.
Profesional: Á devandita asociación poderán pertencer todas aquelas persoas físicas ou xurídicas que sexan titulares dunha explotación ou que traballen como axuda familiar en explotacións agrarias.
Asinan a acta de constitución: Antonio Quintela Portos e dez persoas máis.
Santiago de Compostela, 6 de febreiro de 1995.
Juan Pedrosa Vicente
Director xeral de Relacións Laborais