De acordo coa autorización concedida á Xunta de Galicia para emitir débeda pública polo art. 24.1 da Lei de presupostos xerais da Comunidade Autónoma para 1994, o Consello da Xunta polo Decreto 152/1994 autoriza o conselleiro de Economía e Facenda para formalizar durante 1994 determinadas operacións de endebedamento dentro de certos límites. Con base nesas autorizacións legais, o 21 de decembro de 1994 asinouse unha operación de préstamo sindicado por importe de 21.000 millóns de pesetas con opcións de mobilización en obrigacións polo mesmo importe nominal.
Considerando o establecido na disposición derradeira primeira do Decreto 152/1994 e unha vez publicada a orde da Consellería de Economía e Facenda do 25 de xaneiro de 1995 (DOG nº 19, do 27-1-1995) pola que se emite a totalidade das obrigacións antes referidas e se poñen en coñecemento as condicións da primeira mobilización do préstamo,
DISPOÑO:
Artigo un
Darlles publicidade ás condicións das obrigacións que se poñen en circulación como consecuencia da segunda e última mobilización do préstamo convertible do 21 de decembro de 1994.
Artigo dous
-Importe nominal das obrigacións postas en circulación mediante esta segunda mobilización: 11.000 millóns de ptas.
-Data da emisión: 2 de febreiro de 1995.
-Tipo de xuro: 12,20%.
-Data da subscrición: 27 de febreiro de 1995.
-Data de desembolso: 28 de febreiro de 1995.
-Prezo efectivo desta mobilización: 100,86904109%.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 17 de febreiro de 1995.
José Antonio Orza Fernández
Conselleiro de Economía e Facenda